"پەدوفيلدىڭ تاعدىرىH ايەل پروكۋروردىڭ قولىنا بەرۋ كەرەك"
باس پروكۋرور جاقىپ اسانوۆ ادام زورلاۋ قىلمىسىنا قاتىستى ىستەردى ايەل پروكۋرورلارعا بەرۋدى تاپسىردى، - دەپ حابارلايدى Baq.kz ءتىلشىسى.
ء«بىز وسى جەردە وتىرىپ وڭىرلەردە نە بولىپ جاتقانىنان حابارسىزبىز. ىشكى ىستەر مينيسترلىگى دە بىلمەيدى ونداعى جاعدايدى. بىردە-ءبىر ىشكى ىستەر دەپارتامەنتىنىڭ باسشىسى، وبلىس پروكۋرورى بىزگە حابارلاسىپ، وسى پروبلەما تۋرالى ايتپايدى. جابىرلەنۋشىلەردى قالاي قورعانۋى كەرەك، مىنە وسى تۋراسىندا ءتيىستى ۇسىنىس ازىرلەڭىزدەر. وسى قىلمىس تۇرىنەن باستايىقشى. كەيىن وسى باعىتتا ۇلكەن شارالاردى جۇزەگە اسىرامىز. ءبىز ادامدارعا ساۋاتتى تۇردە قۇقىعىن قالاي قورعاۋ قاجەتتىگىن ۇيرەتۋىمىز كەرەك. وسىنداي قىلمىستىق ىستەرگە ايەل پروكۋرورلاردى بەكىتەيىك»، - دەدى ول.
وسى ورايدا جاقىپ اسانوۆ ايەل ازاماتتاردىڭ بارشىلىق ەكەنىن اتاپ ءوتتى.
«بىزدە ايەل ازاماتتار جەتكىلىكتى. ەگەر از بولسا، ولاردى جۇمىسقا قابىلدايىق. بۇل - بىردەن ورىنداۋدى تالاپ ەتەتىن ماڭىزدى ءىس. ارتىق شىعىندى، كۇش جىگەردى، اقىلدى تالاپ ەتپەيدى. وبلىس پروكۋرورلارى، مەن سىزدەرگە ايتىپ وتىرمىن. سىزدەرگە ۋاقىت بەرەمىن. وسى اپتانىڭ ىشىندە جوعارىدا اتالعان قىلمىس بويىنشا ءتيىستى شارالاردى قولعا الۋلارىڭىز كەرەك. سونداي-اق، وسىنداي ىستەردى ەر پروكۋرورلارعا بەرۋدى دوعارۋ كەرەك»، - دەدى ول.
ايتا كەتەيىك، بۇگىن باس پروكۋرور جاقىپ اسانوۆتىڭ توراعالىعىمەن القا وتىرىسى ءوتتى. وندا كامەلەتكە تولماعانداردى زورلىق-زومبىلىقتان قورعاۋعا باعىتتالعان جوبانى ىسكە اسىرۋ بويىنشا كەشەندى جوسپار بەكىتىلدى.
اباي-اقپارات
