مەملەكەت باسشىسى تىعىز جۇمىس كەستەسى جايلى ايتىپ بەردى، - دەپ حابارلايدىTengrinews.kzء تىلشىسى.

"مەن قىزمەت ۇستىندە ءجۇرمىن، بۇل مەنىڭ جۇمىسىم، سوندىقتان دا جۇمىستان، جاۋاپكەرشىلىكتەن شارشامايمىن. بۇل حالقىمنىڭ، ەلىمنىڭ الدىنداعى جاۋاپكەرشىلىك. وزگە ەلدەرگە بارعاندا باسقا ۋاقىت بەلدەۋىنە ءوتۋ ءوز الدىنا. ءبىر بايقاعانىم، باتىسقا بارعانشا، شىعىسقا بارۋ وڭايىراق. ارينە، شارشاپ، ۇيقى قانبايدى. وسى كۇندەرى ارى كەتسە 3-4 ساعات قانا ۇيىقتاپ ءجۇرمىن. ەرتە جاتسام دا، ۇيقى جوق. بۇل ءبىر جاعىنان جاقسى دا شىعار - بەيىمدەلۋدىڭ قاجەتى بولمايدى، ءوز ۋاقىتىمىزدا قالامىز. مي ۇنەمى جۇمىس ىستەپ تۇرادى، كۇردەلى كەلىسسوزدەر جۇرگىزۋ كەرەك، ونىڭ ناتيجەلى بولىپ اياقتالۋى ماڭىزدى. (...) الەم ىسىنە، يادرولىق قارۋدان باس تارتۋ ىسىنە ادال بولۋىمىزدىڭ ارقاسىندا كوپتەگەن ەلدىڭ قۇرمەتىنە يە بولدىق، سوندىقتان شارشامايمىن", - دەدى مەملەكەت باسشىسى سەۋل قالاسىنا جۇمىس ساپارىنىڭ قورىتىندىسى بويىنشا بريفينگتە.

وعان قويىلعان سۇراقتىڭ ءمانى پرەزيدەنتتىڭ ەكى بىردەي ساپاردى قالاي جاسايتىنى، وسىنداي تىعىز جۇمىس كەستەسىنە قالاي شىدايتىنى جايىندا ەدى.

ول پرەزيدەنت ءاردايىم سەرگەك بولۋى كەرەك دەپ ەسەپتەيدى. 

"كوماندير اقبوزاتىمەن ءاردايىم الدا، ءارى ساۋ ءجۇرۋى كەرەك، پرەزيدەنتتىڭ جۇمىسى وسىنداي، جۇمىسقا ءوزىڭدى ارناۋىڭ كەرەك، بار ۋاقىتىڭدى، دەنساۋلىعىڭدى ارنايسىڭ، جۇمىستان تىس ۋاقىتتا دا. وسىلاي عانا تاپسىرىلعان مىندەتتەردى ورىنداي الامىن", - دەدى نۇرسۇلتان نازارباەۆ.

سونداي-اق، مەملەكەت باسشىسى سىرقاتتانىپ قالعان كەزىندە قولداۋ بىلدىرگەندەرگە العىس ايتتى. 

ء"بىر اي بۇرىن مەنىڭ سۋىق ءتيىپ سىرقاتتىنىپ قالعانىم جايلى حالىققا ايتقاندا مەن قازاقستاندىقتاردىڭ مىڭداعان تىلەكتەرىن وقىپ شىقتىم. وسى ءساتتى پايدالانا وتىرىپ ينتەرنەتتە، سايتتاردا جازىلعان، بلوگەرلەردىڭ جازعان تىلەكتەرىنە جانە بارلىعىنا العىس ايتامىن. سۋىق ءتيىپ سىرقاتتانىپ قالعانىم جايلى ايتۋعا تۋرا كەلدى، سەبەبى حالىقارالىق ساپارلاردى - ءازىربايجان مەن ارمەنياعا جوسپارلانعان ساپارىمدى كەيىنگە شەگەرۋ كەرەك بولدى. سەبەبى ادام دەنە تەمپەراتۋراسى مەن جوتەل بولا تۇرا، ءبىر جاققا بارا المايدى عوي", - دەدى قر پرەزيدەنتى ءوز سوزىندە.

اباي-اقپارات