دەنساۋلىق ساقتاۋ سالاسىنداعى مەملەكەتتىك جءانە حالىقارالىق ۇيىمداردىڭ ءبىرقاتار ءوكىلدەرى قازاقستاندا ۆيچ جءانە سپيد-كە قارسى كءۇرەس ايلىعى باستالعانىن جاريالادى.

قازىرگى تاڭدا ەلدە 26 مىڭنان استام ۆيچ جۇقتىرعان ازامات بار. بۇل تۋرالى سپيد-پەن كۇرەس جانە ونىڭ الدىن الۋ جونىندەگى ورتالىقتىڭ باس ديرەكتورىنىڭ ورىنباسارى يرينا پەترەنكو مالىمدەدى.

جىنىستىق قاتىناس عانا ەمەس، ۆيچ اۋرۋى كوبىنە ەسىرتكى ينەسى ارقىلى تاراپ جاتىر.

بيىلعى ناۋقان "مەن ۆيچ پروفيلاكتيكاسىن قولدايمىن!" دەگەن ۇرانمەن 10 قاراشا مەن 10 جەلتوقسان ارالىعىندا وتەدى. سپيد-پەن كۇرەس ورتالىعى قازاقستان تۇرعىندارىن وسى ناۋقاندى قولداۋعا شاقىردى. ول ءۇشىن الاقانعا نەمەسە ءبىر پاراق قاعازعا ۆيچ پروفيلاكتيكاسى تۋرالى پىكىر جازىپ، ونى الەۋمەتتىك جەلىلەر ارقىلى تاراتۋ كەرەك.

Abai.kz