كادرلاردىڭ بىلىكتىلىگىن ارتتىرۋ كوزدەلۋدە
وڭتۇستىك قازاقستان وبلىسىنىڭ اكىمى جانسەيىت تۇيمەباەۆ رەسەي فەدەراتسياسى پرەزيدەنتى جانىنداعى حالىق شارۋاشىلىعى جانە مەملەكەتتىك قىزمەت رەسەي اكادەمياسىنىڭ كورپوراتيۆتىك باسقارۋ جوعارعى مەكتەبىنىڭ (ودان ءارى -رف پرەزيدەنتى جانىنداعى حش جانە مقرا كبجم) اكادەميگى ابەل اگانبەگيان مەن رەسەيدىڭ ەڭبەك سىڭىرگەن ەكونوميستى، ەكونوميكالىق عىلىمدارىنىڭ دوكتورى جانە اتالعان وقۋ ورنىنىڭ دەكانى س.و. كالەندجيانمەن كەزدەستى.
مارتەبەلى مەيماندار كەزدەسۋدە رف پرەزيدەنتى جانىنداعى حش جانە مقرا كبجم-ءى وڭتۇستىك قازاقستان وبلىسىمەن بايلانىس ورناتۋعا نيەتتى ەكەنىن جەتكىزدى. سونداي-اق، وڭىردەگى كادرلاردىڭ بىلىكتىلىگىن ارتتىرۋدا بىرلەسە جۇمىس جاساۋعا شاقىردى.
قازاقستان دامىعان 30 ەلدىڭ قاتارىنا ەنۋ ء ۇشىن ءتۇرلى سالالاردا بىلىكتى كادرلاردىڭ بولۋى كەرەكتىگىنە توقتالعان وبلىس اكىمى، اتالعان وقۋ ورنىنىڭ جوعارى بىلىكتى جەتەكشىلەرىنىڭ ۇسىنىسىن قولدايتىنىن جەتكىزدى.
رەسەي فەدەراتسياسى پرەزيدەنتى جانىنداعى حالىق شارۋاشىلىعى جانە مەملەكەتتىك قىزمەت رەسەي اكادەمياسىنىڭ كورپوراتيۆتىك باسقارۋ جوعارعى مەكتەبى رەسەي مەن تمد ەلدەرى اراسىندا باسقارۋشى كادرلاردى وقىتۋدىڭ كورپوراتيۆتى باعدارلامالارىن جۇزەگە اسىرۋدا 20 جىلدان استام ۋاقىتتان بەرى بيزنەس-وقىتۋدا كوشباسشى بولىپ تابىلادى.
حش جانە مقرا كبجم قازاقستان رەسپۋبليكاسىنداعى ارىپتەسى بولىپ تابىلاتىن «ديپلومات» كونسۋلتاتتسيالىق ترەنينگ ورتالىعى» جشس-مەن بىرلەسىپ وقىتۋ باعدارلامالارىنىڭ ءتۇرلى كۋرستارىن جۇرگىزدى. اتاپ ايتقاندا، ولار - جەتەكشىلەر ءۇشىن باسقارۋدىڭ ىسكەرلىك شەبەرلىگى (Executive MBA), ىسكەرلىك اكىمشىلەندىرۋ دوكتورى (DBA), كورپوراتيۆتىك كۋرستار مەن ترەنينگتەر.
بەلگىلى عالىم، اكادەميك ابەل اگانبەگيان رەسەيدەگى بىرقاتار وڭىرلەردىڭ ەكونوميكالىق دامۋ تۇجىرىمداماسى اۆتورلارىنىڭ ءبىرى. سونداي-اق، ول ونەركاسىپ ءوندىرىسى سالاسىن ۇيىمداستىرۋ مەن ەڭبەك ونىمدىلىگى، جالاقى، ماكروەكونوميكا، ەكونومەتريكا جانە مەنەدجمەنت سالالارىنىڭ جەتەكشى مامانى بولىپ تابىلادى.
وقو اكىمىنىڭ ءباسپاسوز قىزمەتى
