وسىدان بىرنەشە جىل بۇرىن جەكە مەنشىك ءۇي العان ەدىك.ءۇيدىڭ قۇرىلسىن تولىقتاي بىتىرگەننەن كەيىن قۇجاتتارىن راسىمەۋگە كىرىستىك. سوڭعى بىرنەشە جىل بويى جەكە مەنشىكتەگى جىلجىمايتىن مۇلىكتى لەگاليزاتسيا ارقىلى زاڭداستىرۋ جۇرگەنىن بىلەسىزدەر. ەندى مىنە، بيىلعى جىلدان باستاپ قۇرىلىس باستاماس بۇرىن ءتيىستى ورىنداردان رۇقسات الۋ مىندەتتەلدى. بۇرىندارى جاپاتارماعاي قۇرىلىستى باستاپ جىبەرىپ، قۇجات راسىمدەۋدى كەيىنگى كەزەككە قالدىراتىن ەدىك. ويتكەنى ول كەزدە قۇرىلىس باستاۋعا رۇقسات الۋدان گورى ازىن-اۋلاق ايىپپۇلدى تولەي سالۋ وڭاي بولاتىن. قازىر ايىپپۇل بىرنەشە ەسەگە وسكەن، ونىڭ ۇستىنە ايىپپۇل تولەگەن كۇننىڭ وزىندە جىلجىمايتىن مۇلىگىڭىزدىڭ زاڭداستىرىلۋىنا كەپىلدىك جوق. 

و باستا العان ءۇيىمىز سالىنىپ بىتپەگەندىكتەن، قۇرىلىستى اياقتاپ الىپ لەگاليزاتسياعا قۇجات وتكىزۋگە بارعانىمىزدا ءبىزدىڭ ءۇيىمىزدىڭ لەگاليزاتسيا ارقىلى زاڭداستىرۋعا جاتپايتىنىن، ويتكەنى سالىنعان مەرزىمى لەگاليزاتسيا ۋاقىتىمەن سايكەس كەلمەيتىنىن ايتىپ قويا بەردى. وزىمىزدەن كەتكەن اعاتتىق بولعان سوڭ زاڭدى تۇردە ايىپپۇل تولەپ، سوتقا جۇگىندىك. سويتسەك ءبىزدىڭ ءىسىمىزدى قاراعان تالعار اۋدانىنداعى اكىمشىلىك سوتتىڭ سۋدياسى: "سىزدەردىڭ ۇيلەرىڭىزدى نەگىزى لەگاليزاتسياعا وتكىزۋگە بولار ەدى. سول جەردەگى جىگىتتەرمەن جاقسىلاپ سويلەسپەگەنسىزدەر عوي. ولار بىردەڭە دامەتكەن بولۋ كەرەك" دەپ قريادى. 
دامەلەرىنىڭ زورىن! ءبىزدىڭ پرينتسيپ – بىرەۋگە ءبىر تيىن بەرمەي-اق قانشا ۋاقىتقا سوزىلسا دا، قۇجاتتاردى زاڭدى تۇردە راسىمدەۋ. 

نەگىزى ەڭ دۇرىسى – كەز كەلگەن قۇجاتتى راسىمدەۋدە سالاقتىق، سالعىرتتىق تانىتپاي، نە نارسەنى ۋاقىتىندا تىندىرۋ. اللاعا شۇكىر، ءۇيىمىزدىڭ قۇجاتتارى از كۇندە دايىن بولادى.

اينۇر سەنباەۆا

Facebook-تەگى پاراقشاسىنان