اقش-تا كەشكى  8-دە، بىزدە تاڭعى 7-دە اقش پرەزيدەنتتىگىنە داۋىس بەرۋ اياقتالىپ، ساناق ءجۇرىپ، شتاتتار بويىنشا بىردە ترامپ، بىردە كلينتون الما-كەزەك العا شىعىپ، جاعالاسىپ كەلەدى.

مىنە، ناعىز دەموكراتيانىڭ عاجاپ ۇلگىسى!

بىزدە بولسا، بيلىك پارتياسى باياعىدا «جەڭىسكە» جەتىپ قويار ەدى!

اقش سايلاۋىنا قاراپ ءبىزدىڭ  بيلىك، وزدەرىنىڭ قالاي وتىرىك داۋىس جاساپ كەلگەندەرىن ءبىر ساتكە ويلاي ما ەكەن؟ بىزدە بۇگىنگە دەيىن ءبىر رەت تە ءادىل سايلاۋ وتكەن جوق. مىنالار بيلىكتە وتىرعاندا ول مۇمكىن دە ەمەس شىعار. اردان، ۇياتتان، نامىستان، ۇلتتان، دىننەن، تىلدەن بەزگەن ورىسقۇل بيلىكتەن باسقا بىردەمە كۇتۋدىڭ ءوزى اقىماقتىق دەر ەدىم.بىراق، ءتۇبى ولار تاريحتىڭ الدىندا، كوپ قورلانعان قازاق ۇلتىنىڭ الدىندا جاۋاپ بەرەتىن بولادى!

 ال، اقش-تا وتكەن سايلاۋدىڭ ازىرگە ناقتى ەمەس ناتيجەسى  كەلەر بولساق مىنانداي:     

دونالد ترامپ، رەسپۋبليكاشىلار پارتياسىنان. وعان سايلاۋشىلاردىڭ  48 پايىزى، ياعني 52 607 546 ادام داۋىس بەرگەن.

حيللاري كلينتون، دەموكراتياشىلدار پارتياسىنان. سايلاۋشىلاردىڭ

47  پايىزى، ياعني 51 439 842 ادام حيللاري حانىمنىڭ كانديداتۋراسىن قولداعان.

سايكەسىنشە، ليبەرتاريان پارتياسىنىڭ ۇمىتكەرى گەري دجونسون

3 % (3 461 705), جاسىلدار پارتياسىنىڭ سەركەسى دجيلل ستاين 0,9 % (971 621) داۋىس جيناپتى. 

 09.11.2016 جىل. ساعات تاڭعى 7.25 م ين.

Abai.kz