جاقسىلىق ومار الماتى وبلىسى اكىمىنىڭ ورىنباسارى قىزمەتىنە تاعايىندالدى
وسىعان دەيىن شىعىس قازاقستان وبلىسى اكىمىنىڭ ورىنباسارى قىزمەتىن اتقارعان جاقسىلىق مۇقاشۇلى ومار پرەزيدەنت اكىمشىلىگىنىڭ كەلىسىمىمەن الماتى وبلىسى اكىمىنىڭ ورىنباسارى قىزمەتىنە تاعايىندالدى.
جاقسىلىق مۇقاشۇلى ومار 1980 جىلى 28 قىركۇيەكتە الماتى وبلىسى الاكول اۋدانى ءۇشارال اۋىلىندا دۇنيەگە كەلگەن. 2001 جىلى اباي اتىنداعى الماتى مەملەكەتتىك ۋنيۆەرسيتەتىن تامامداعان.
ماماندىعى – گەوگرافيا ءپانىنىڭ وقىتۋشىسى، مەملەكەتتىك جانە جەرگىلىكتى باسقارۋ باكالاۆرى.
ەڭبەك جولىن قازاقستان رەسپۋبليكاسى مادەنيەت، اقپارات جانە قوعامدىق كەلىسىم مينيسترلىگى رەسپۋبليكالىق حالىقارالىق مادەني باعدارلامالار كوميتەتى ديرەكتسياسىنىڭ جەتەكشى مامانى بولىپ باستادى.
ءار جىلداردا مادەنيەت مينيسترلىگىندە جەتەكشى مامان، باس مامان، قارجى مينيسترلىگى كەدەندىك باقىلاۋ كوميتەتىنىڭ مامانى، «قازاقستان» رترك» اق «استانا» ترك ديرەكتسياسى ديرەكتورىنىڭ ورىنباسارى، قوعامدىق-ساياسي ءبولىمىنىڭ پروديۋسەرى، «ارنامەديا» ۇاح» اق باس مەنەدجەرى، پارلامەنت ءماجىلىسى اپپاراتى ءباسپاسوز قىزمەتىنىڭ ساراپشىسى، شىعىس قازاقستان وبلىسى اكىمىنىڭ كومەكشىسى، شىعىس قازاقستان وبلىستىق ىشكى ساياسات باسقارماسى باسشىسىنىڭ ورىنباسارى، باسشىسى، شىعىس قازاقستان وبلىستىق مادەنيەت باسقارماسىنىڭ باسشىسى لاۋازىمدارىن اتقاردى.
2013 جىلدىڭ مامىر ايىنان – شىعىس قازاقستان وبلىسى اكىمىنىڭ ورىنباسارى.
ايتا كەتسەك، الماتى وبلىسى اكىمىنىڭ وكىمىمەن باسقا جۇمىسقا اۋىسۋىنا بايلانىستى باقتيار ءالتايۇلى ونەرباەۆ وبلىس اكىمىنىڭ ورىنباسارى قىزمەتىنەن بوساتىلدى.
Abai.kz
