وڭتۇستىك قازاقستان وبلىسىندا ەل تاۋەلسىزدىگىنىڭ 25 جىلدىعىنا ارنالعان «مەنىڭ ەلىم – ماڭگىلىك ەل» رەسپۋبليكالىق جاستار اكتسياسى ءوتتى.

قازاقستان حالقى اسسامبلەياسى ۇيىتقى بولعان شاراعا وبلىس اكىمى جانسەيىت تۇيمەباەۆ، قر پرەزيدەنتى اكىمشىلىگى باسشىسىنىڭ ورىنباسارى باعلان مايلىباەۆ، قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆ، قحا جانە ايماقتىق اسسامبلەيا مۇشەلەرى، قوعام قايراتكەرلەرى، ەتنومادەني بىرلەستىكتەر مەن زيالى قاۋىم وكىلدەرى، جاستار ۇيىمدارىنىڭ جەتەكشىلەرى مەن ستۋدەنتتەر سىندى جالپى سانى 5 مىڭنان استام ازامات قاتىستى.

اكتسيادا ءتۇرلى ونەرلى جاستار كونتسەرتتىك باعدارلامالار ۇسىنسا، ەتنومادەني بىرلەستىكتەردىڭ انشىلەرى ءشامشى اندەرىنەن پوپۋري ورىندادى. سالتاناتتى كەزدەسۋدە ءسوز العان ءوڭىر باسشىسى، وبلىستىق قحا توراعاسى ج.تۇيمەباەۆ ىرىستى ىنتىماق پەن بەرەكەلى بىرلىكتىڭ باستاۋى بولعان قازاقستاننىڭ تاۋەلسىزدىك جىلدارىندا جەتكەن جەتىستىكتەرىنە شولۋ جاساپ، بىرقاتار سالالارداعى جۇمىستارعا توقتالدى. تولىعىراق ontustik.gov.kz سايتىنان وقيسىزدار

«تاۋەلسىزدىك جىلدارىندا وبلىستىڭ ەكونوميكالىق الەۋەتى كوتەرىلىپ، حالىق سانى 1 ميلليون تۇرعىنعا كوبەيدى. ءونىم كولەمى 90 جىلدارداعى 40 ملرد. تەڭگەدەن، 2015 جىلى 2,5 ترلن. تەڭگەگە ارتتى. ءوڭىر ەكونوميكاسىنا تارتىلعان ينۆەستيتسيا كولەمى 3,3 ترلن. تەڭگەگە جەتتى. ءبىلىم بەرۋ سالاسىندا 491 جاڭا مەكتەپ، 1491 مەكتەپكە دەيىنگى ۇيىم، 347 دەنساۋلىق ساقتاۋ نىسانى پايدالانۋعا بەرىلدى. 9 ملن. شارشى مەتر تۇرعىن ءۇي پايدالانۋعا بەرىلىپ، 100 مىڭنان استام وتباسى باسپانالى بولدى»، - دەدى ج.تۇيمەباەۆ.

اكتسيا بارىسىندا «ماڭگىلىك ەل جاستارىنىڭ جەتىستىكتەرى – قازاقستان رەسپۋليكاسى تاۋەلسىزدىگىنىڭ 25 جىلدىعىنا» - «دوستيجەنيا مولودەجي «ماڭگىلىك ەل» ك 25-لەتيۋ نەزاۆيسيموستي رەسپۋبليكي كازاحستان» كىتابى سالتاناتتى تۇردە وبلىس جاستارىنا تاپسىرىلدى. كىتاپتا تاۋەلسىزدىك جىلدارى جاستاردىڭ قول جەتكىزگەن جەتىستىكتەرى، وڭىرلەردە ولارعا جاسالعان قامقورلىقتار، سونىمەن قاتار، «ماڭگىلىك ەل» پاتريوتتىق يدەياسىنىڭ بىرىكتىرۋشى ءرولىن جانە وڭىرلەردەگى جاستاردىڭ ەل پرەزيدەنتى – ۇلت كوشباسشىسىنا قولداۋىن كورسەتەتىن ۇندەۋلەرى جازىلعان.

ۇندەۋدە رەسپۋبليكا جاستارى ەلباسى باسشىلىعىمەن قول جەتكىزىلگەن جەتىستىكتەر، ونىڭ شەشۋشى فاكتورى - بەيبىتشىلىك پەن كەلىسىم بولعانىن جازىپ، پرەزيدەنتتىڭ باستامالارىن قاشان دا قولداۋعا دايىن ەكەندىكتەرىن بىلدىرەدى.

ايتا كەتۋ كەرەك، وسى جىلدىن 4 قاراشاسىندا تالدىقورعاننان باستاۋ العان «مەنىڭ ەلىم – ماڭگىلىك ەل» رەسپۋبليكالىق جاستار اكتسياسى الماتىدان سوڭ، ءۇشىنشى بولىپ، ءبىزدىڭ وبلىسىمىزدا ۇيىمداستىرىلۋدا.ءۇش ميليونعا

جۋىق تۇرعىنى بار وڭتۇستىك قازاقستان وبلىسى تۇرعىندارىنىڭ 30 پايىزىن جاستار قۇرايتىن بولعاندىقتان اتالعان شارا جوعارعى دەنگەيدە ءوتتى. «مەنىڭ ەلىم – ماڭگىلىك ەل» رەسپۋبليكالىق جاستار اكتسياسى كەلەسى كەزەكتە جامبىل وبلىسىندا وتەتىندىكتەن قازاقستان رەسپۋليكاسى تاۋەلسىزدىگىنىڭ 25 جىلدىعىنا» - «دوستيجەنيا مولودەجي «ماڭگىلىك ەل» ك 25-لەتيۋ نەزاۆيسيموستي رەسپۋبليكي كازاحستان» كىتابىن ەلىمىزدىڭ ماقتانىشى وليمپيادا جۇلدەگەرى جازيرا جاپپارقۇل مەن نازارباەۆ زياتكەرلىك مەكتەبىنىڭ بەلسەندى وقۋشىسى بەرىكبولسىن سۇلەيمەنوۆ سالتاناتتى تۇردە تابىس ەتتى. ەلىمىزدىڭ بارلىق ايماقتارىندا وتەتىن اكتسيا 28 قاراشادا استانادا قورىتىندىلانىپ، مارەسىنە جەتپەك.

ەسكە سالايىق، وڭتۇستىك قازاقستان وبلىسىندا 100-دەن استام ەتنوس وكىلدەرى ءومىر سۇرەدى. وبلىس بويىنشا 20 ەتنومادەني بىرلەستىك، ال قالالار مەن اۋدان ورتالىقتارىندا ولاردىڭ 51 فيليالى قالىپتى قىزمەت كورسەتىپ كەلەدى. ەتنومادەني بىرلەستىكتەر جانىندا 11 جەكسەنبىلىك مەكتەپتەر، اقساقالدار كەڭەستەرى مەن جاستار قاناتتارى جۇمىس ىستەيدى.

Abai.kz