وڭتۇستىك قازاقستان وبلىسىنىڭ اكىمى جانسەيىت تۇيمەباەۆ تۇركيا رەسپۋبليكاسى ۇكىمەتى جانىنداعى تۇرىك ىنتىماقتاستىق جانە ۇيلەستىرۋ اگەنتتىگىنىڭ (ودان ءارى - TIKA) قازاقستانداعى وكىلى ءالي يحسان چاگلارمەن كەزدەستى. بۇل تۋرالى «اباي اقپارات» پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

باسقوسۋدا تاراپتار باۋىرلاس قازاق-تۇرىك قارىم-قاتىناسىن ودان ءارى جاقسارتۋ جايىن تالقىلاپ، ىنتىماقتاستىق مەموراندۋمىن ءتۇزۋ جايىن اڭگىمەلەدى. اتاپ ايتقاندا، ولار اۋىل شارۋاشىلىعى، ونەركاسىپ، مادەنيەت، تۋريزم سىندى ءتۇرلى سالالار بويىنشا بىرلەسكەن جوبالار جاساۋعا ۋاعدالاستى.

ءوز كەزەگىندە، ايماق باسشىسى وڭىرىمىزگە ارنايى كەلگەن مارتەبەلى مەيمانعا العىسىن ءبىلدىرىپ، بىرلەسە جۇمىس ىستەۋگە دايىن ەكەنىن جەتكىزدى.

اگەنتتىك وكىلى ءالي يحسان چاگلار ءوزى قىزمەت ەتەتىن TIKA ۇيىمى ارقىلى قازاقستاننىڭ تاۋەلسىزدىك جىلدارىندا جەتكەن تابىستارىن دۇنيەجۇزىنە تانىتىپ، ەلىمىزدىڭ اتىن شىعارۋعا ارەكەت ەتەتىنىن جەتكىزدى.

ايتا كەتۋ كەرەك، تۇركيا رەسپۋبليكاسى ۇكىمەتى جانىنداعى تۇرىك ىنتىماقتاستىق جانە ۇيلەستىرۋ اگەنتتىگىنىڭ الەمنىڭ 56 ەلىندە فيليالدارى بار. جەر-جاھاننىڭ 150 ەلىمەن ىنتىماقتىق جوبالارىن جاساسقان TIKA ۇيىمى سوڭعى 3 جىلدا ىنتىماقتاستىق جۇمىستارى مەن گۋمانيتارلىق كومەكتەردىڭ ارقاسىندا الەمدە ءبىرىنشى ورىنعا شىققان.

Abai.kz