وڭتۇستىك قازاقستان وبلىسىنىڭ اكىمى جانسەيىت تۇيمەباەۆتىڭ قاتىسۋىمەن  شىمكەنتتىڭ قاپال باتىر كوشەسىندەگى كوپىر پايدالانۋعا بەرىلدى.

تەمىر جول ۇستىنەن وتەتىن وتكەلدىڭ قايتا قۇرۋ جۇمىستارىنىڭ اياقتالۋىن اسىعا كۇتكەن جينالعان جۇرتشىلىقتى قۇتتىقتاعان ايماق باسشىسى، جاڭا نىساننىڭ ەل يگىلىگىنە قىزمەت ەتۋىنە تىلەكتەستىك ءبىلدىردى.

«ەلباسىنىڭ تاپسىرماسىنا سايكەس، شىمكەنت ەلىمىزدىڭ ءۇشىنشى مەگاپوليسىنە اينالۋدا. ال مەگاپوليس ۇعىمى حالىق سانىنىڭ ارتۋىمەن ولشەنبەيتىنى بەلگىلى. وسى دارەجەگە لايىقتى بولۋ ءۇشىن بارلىق سالادا ءوسۋ جانە دامۋ جوعارى قارقىن الۋى قاجەت. قالانىڭ وسى تالاپتارعا ساي بولۋ باعىتىندا بىرقاتار جۇمىستار اتقارىپ كەلەمىز. سونىڭ ءبىر دالەلى - بۇگىنگى پايدالانۋعا بەرىلگەن كوپىر. بۇل - تۇرعىنداردىڭ قاۋىپسىزدىگى مەن ءومىر سۇرۋىنە ىڭعايلى جاعداي جاساۋدىڭ كورىنىسى. الداعى ۋاقىتتا جول كەپتەلىسىنىڭ الدىن الۋ ماقساتىندا شاھارداعى بىرنەشە جەردەن جولايرىقتار سالۋ ەكونوميكالىق-الەۋمەتتىك دامۋ جوسپارىنا ەنگىزىلدى»، - دەدى ج.تۇيمەباەۆ.

توعىز جولدىڭ تورابىندا ورنالاسقان اتالمىش كوپىر 1960 جىلى سالىنعان بولاتىن. باستاپقىدا ەنى 9 مەتر بولعان ءجۇرىس بولىگى قايتا قۇرۋ جۇمىستارىنان سوڭ 21 مەترگە دەيىن كەڭەيىپ، جارىقتاندىرۋ جۇمىستارى جۇرگىزىلگەن. ناتيجەسىندە، تولە بي، قاپال باتىر، اقنازار حان، اناروۆ كوشەلەرىندە كولىك تىعىندارى ازايدى. جاياۋ جۇرگىنشىلەر قاۋىپسىزدىگى دە نازاردان تىس قالماي قوسىمشا جول ارنايى كەدەرگىلەرمەن قورشالعان.

نىسان جۇمىستارىنا «كورپوراتسيا بەرەكە ا» جشس مەردىگەرلىك ەتسە، تەحنيكالىق قاداعالاۋشى بولىپ «ەرگارانتستروي» جشس، ال جوبالاۋشى مەكەمە رەتىندە "الماتى جوبا" جشس مەكەمەسى قۇرىلىس جۇمىستارىن جۇرگىزدى. قايتا قۇرۋ كەزىندە جەرگىلىكتى 100-دەن استام ادام تۇراقتى جۇمىسپەن قامتىلدى.

وبلىس بويىنشا جىل باسىنان بەرى ۇزىندىعى 800 شاقىرىم بولاتىن وبلىستىق ماڭىزى بار جالپى پايدالانىمداعى اۆتوموبيل جولدارى جانە ەلدى مەكەن كوشەلەرىنە كۇردەلى جانە ورتا جوندەۋ جۇمىستارى جۇرگىزىلۋدە. سالاعا جاۋاپتى مامانداردىڭ ايتۋىنشا، جوعارىدا اتالعان بارلىق كوپىرلەر مەن 664,7 شاقىرىم جول (282 نىسان) جىل سوڭىنا دەيىن پايدالانۋعا بەرىلەدى دەپ كۇتىلۋدە.  ونىڭ ىشىندە 17 كوپىر دە بار. 

Abai.kz