قر باس پروكۋراتۋراسى اتى شۋلى ءابلازوۆتىڭ قىلمىستىق ىسنە قاتىستى كەيبىر دەرەكتەردى جارىققا شىعاردى.

استانا ارناسىنىڭ حابارلاۋىنشا، ەكس-بانكير ءابلازوۆ پەن ونىڭ سىبايلاستارى جىمقىرىپ كەتكەن قارجىنىڭ سوماسى ەداۋىر ءوسۋى مۇمكىن. قازىرگە قۇزىرلى ورگاندار انىقتاعان مالىمەتتەرگە سايكەس ء ابلازوۆتىڭ ۇپتەپ كەتكەنى 6 ميلليارد دوللاردان اسىپ جىعىلادى ەكەن.

فرانتسيا تۇرمەسىندە جاتقان ەكس-بانكير مۇحتار ابلازوۆقا قاتىستى تەرگەۋ جۇمىستارىنا كەدەرگى بولعان تاعى ءبىر ماسەلە – قىلمىستىق ىسكە قاتىستى دەرەكتەردى كەيبىر ەلدەر جاسىرىپ وتىر.

مىسالى، اقش زاڭىنا سايكەس، ادىلەت ورگانداردارى قازاقستان تاراپىنان جولدانعان وتىنىمگە جىرتى جىلدان كەيىن بىراق جاۋاپ بەرەدى. ايىپتالۋشى قارسى ءۋاج كەلتىرۋىنە بايلانىستى، ەۋروپا ەلدەرىندە بۇل مەرزىم  1 جىلدان استام ۋاقىت قارالادى.

قر باس پروكۋرورىنىڭ كومەكشىسى ۇلىقبەك ماقساتبەكۇلىنىڭ ايتۋىنشا، پروكۋراتۋرا م.ابلازوۆقا قاتىستى بارلىق مالىمەتتەردى انىقتاۋعا ءام ونى  ەلگە ەكستراديتسيالاۋعا بار كۇشتەرىن سالىپ جاتىر. ەگەر فرانتسيا ءابلازوۆتى تمد ەلدەرىنىڭ بىرىنە، (ياعني رەسەي مەن ۋكراينانىڭ بىرىنە) بەرمەيتىن بولسا، قازاقستان ەكستراديتسيالاۋعا رۇقسات سۇراۋعا قۇقىلى. قازاقستان  ەۋروپالىق كونۆەنتسيانىڭ مۇشەسى ەمەس.

وكىنىشكە وراي، ۋكراينا مەن رەسەيدىڭ سۇراۋى قاراستىرىلماستان بۇرىن، ءبىزدىڭ وتىنىشىمىزگە جاۋاپ بەرىلمەيدى. ءبىز 2013 جىلدان بەرگى سۇراعان ەدىك. ۋكراينا سۇراۋى قاناعاتسىز قالدى. ەگەر رەسەي مەن ۋكرايناعا ەكستراديتسيالاۋ قاناعاتتاندىرىلماسا، بۇۇ كونۆەنتسياسى نەگىزىندە ءبىزدىڭ سۇراۋىمىزعا وڭ جاۋاپ كەلەدى،-دەيدى ماقساتبەكۇلى.  

Abai.kz