وقىرماننىڭ ەسىندە بولار، وسىدان بىرەر كۇن بۇرىن عانا «قازمۇنايگاز» كومپانياسىنىڭ باسشىسى ساۋات مىڭباەۆتىڭ 30-عا جۋىق ورىنباسارى بار ەكەندىگىن جازعان ەدىك.

باسقارۋشىلىق كورپۋستاعى 3 اتقارۋشى ۆيتسە-پرەزيدەنت، 11 اعا ۆيتسە-پرەزيدەنت، 8 قاتارداعى ۆيتسە-پرەزيدەنت جانە 6 باسقارۋشى ديرەكتوردىڭ ءبىرسىپىراسى بيلىكتە جۇرگەن «ساكەلەر» مەن «باكەلەردىڭ» بالالارى دەدىك.

مىڭباەۆتىڭ "مىڭعىرعان ورىنباسارلارىنىڭ" اراسىندا ەلىمىزدىڭ ەكس-باس پروكۋرورى راشيد تۇسىپبەكوۆتىڭ ۇلى، كەزىندە ءبىلىم بەرۋ ۆيتسە-ءمينيسترى بولعان تاحير بالىقباەۆتىڭ بالاسى، ينۆەستيتسيالار جانە دامۋ جونىندەگى مينيستر جەڭىس قاسىمبەكتىڭ تۋعان ءىنىسى، ەڭبەك جانە حالىقتى الەۋمەتتىك قورعاۋ ءمينيسترى بولعان سەرىك ابدەنوۆ بار ەكەن-مىس.

اتالعان اقپارات قوعامدا قىزۋ تالقىعا تۇسكەن. وسىدان كەيىن «قازمۇنايگاز» ۇك اق مۇنى تەرىسكە شىعارىپ: ء"بىر قاتار رەسپۋبليكالىق باق-تاردا، ۇلتتىق كومپانيانىڭ ۇيىمدىق قۇرىلىمىنا قاتىستى، اتاپ ايتقاندا توپ-مەنەدجەرلەر سانىنىڭ كوبەيۋى تۋرالى قاتە مالىمەتتەر جاريالانعانىن حابارلايمىز" دەدى. حابارلامادا بىلاي دەلىنگەن:

كەلەسىدەي اقپاراتتى حابارلاۋدى قاجەت دەپ سانايمىز. 
«قازمۇنايگاز» ۇك» اق قۇرىلىمى بويىنشا س.مىڭباەۆتىڭ تىكەلەي قاراماعىندا:

1. ءوندىرۋ، مۇناي بارلاۋ جانە مۇناي-سەرۆيستەر بويىنشا اتقارۋشى ۆيتسە-پرەزيدەنتى (باسقارما مۇشەسى);
2. تاسىمالداۋ، وڭدەۋ جانە ماركەتينگ بويىنشا اتقارۋشى ۆيتسە-پرەزيدەنتى (باسقارما مۇشەسى);
3. گاز تاسىمالداۋ جانە ماركەتينگ بويىنشا اتقارۋشى ۆيتسە-پرەزيدەنتى (باسقارما مۇشەسى);
4. قارجى بويىنشا اتقارۋشى ۆيتسە-پرەزيدەنتى – قارجى ديرەكتورى (باسقارما مۇشەسى);
5. ترانسفورماتسيا بويىنشا اعا ۆيتسە-پرەزيدەنتى (باسقارما مۇشەسى);
6. قۇقىقتىق قامتاماسىز ەتۋ بويىنشا ۆيتسە-پرەزيدەنتى (باسقارما مۇشەسى);
7. ادام رەسۋراستارىن باسقارۋ بويىنشا ۆيتسە-پرەزيدەنتى (باسقارما مۇشەسى);
8. ەڭبەكتى جانە قورشاعان ورتانى قورعاۋ بويىنشا ۆيتسە-پرەزيدەنتى;
9. ستراتەگيا بويىنشا ۆيتسە-پرەزيدەنتى;

10.  ينۆەستيتسيا جانە تاۋەكەلدەردى باسقارۋ بويىنشا قۇرىلىمدىق بولىمشەسى;

11.  قاۋىپسىزدىك قىزمەتى قۇرىلىمدىق بولىمشەسى قىزمەت ەتەدى. 

بۇنىڭ ىشىندە 7 باسشى – باسقارما مۇشەلەرى بولىپ تابىلادى.

ەگەردە جوعارىدا اتالعان لاۋازىمداردى تمد-عا ءداستۇرلى لاۋازىمدار نومەنكلاتۋراسى بويىنشا قاراستىراتىن بولساق، قمگ باسقارما توراعاسىنىڭ تىكەلەي قاراماعىندا:

• 4 ورىنباسار - بۇل 4 اتقارۋشى ۆيتسە-پرەزيدەنت.
• قالعاندارى - باسقارۋشى ديرەكتورلار - ۆيتسە-پرەزيدەنتتەر دەڭگەيىنە سايكەس كەلەدى. 

جالپى «قازمۇنايگاز» ۇك» اق كومپانيالار توبىندا 89 مىڭنان اسا قىزمەتكەر جۇمىس ىستەيدى.

Abai.kz