«دەموكراتيالىق سيريا كۇشتەرى» - كۇرد، اراب جانە باسقا دا اسكەري قۇرىلىمداردىڭ بىرلەستىگى. «ەۆفرات اشۋى» دەپ اتالاتىن وپەراتسياعا شامامەن 30 مىڭ جاۋىنگەر قاتىسادى. تۇرىك اسكەرى راككاداعى ايقاسقا قاتىسپايدى، بىراق وپەراتسيا امەريكالىق اۆياتسيا قولداۋىمەن جۇرگىزىلەدى.

راككا سيريانىڭ شىعىسىندا ورنالاسقان، قالانى 2014 جىلدىڭ قاڭتارىنان بەرى «يسلام مەملەكەتى» باقىلايدى. ەكسترەميستىك توپتار ونى ءوزىنىڭ «استاناسى» دەپ ەسەپتەيدى.

قازاننىڭ ورتاسىندا سيريالىق وپپوزيتسيا تۇرىك اسكەرىنىڭ قولداۋىمەن دابيك قالاسىن ەكسترەميستىك توپتاردان ازات ەتتى. قازىرگى تاڭدا يراكتا موسۋل قالاسىن ۇكىمەت بيلىگىنە قايتارۋ وپەراتسياسى ءجۇرىپ جاتىر.

اباي اقپارات