بايقوڭىر عارىش ايلاعىنىڭ قاۋىپسىزدىگىن ەندى رف قارۋلى كۇشتەرى قورعايتىن بولدى. بۇل تۋرالى رەسەيلىك «ريا نوۆوستي» اگەنتتىگى ءسۇيىنشى سۇراپ، جازدى.

رەسەي فەدەراتسياسى ۇلتتىق گۆاردياسىنىڭ ورتالىق وكرۋگى ءباسپاسوزىنىڭ مالىمەتتەرىنە سۇيەنسەك، رەسەي قك ساربازدارى قازاقستانداعى بايقوڭىر عارىش ايلاعىنىڭ قاۋىپسىزدىگىن كۇزەتەدى-مىس.

گەنەرال-لەيتەنانت پەۆەل داشكوۆ باستاعان رف قك ۇلتتىق گۆاردياسىنىڭ ماسكەۋ وبلىسى بويىنشا ورتالىق وكرۋگىنىڭ ءبىر توپ وفيتسەرلەرى قازاقستانعا ارنايى كەلىپ، بايقوڭىر عارىش ايلاعىندا بولعان. ءسويتىپ، رەسەيدەن كەلگەن وفيتسەرلەر مەن بايقوڭىر باسشىلىعى عارىش ايلاعىنىڭ تەرريتورياسىنا ارنايى ماقساتتاعى اۋە كۇشتەرى جاساعىن كىرگىزۋ ماسەلەلەرىن تالقىلاعان.

بۇل شەشىم نىساننىڭ رەسەي ۇلتتىق گۆاردياسى ورتالىق وكرۋگى قۇرامىنا ەنۋىنە بايلانىستى قابىلدانعان.

«گەنەرال-لەيتەنانت پ.داشكوۆ پەن نيكولاي اۆدەەۆ الداعى ۋاقىتتا بايقوڭىر قالاسى باسشىلىعىمەن اقىلداسا وتىرىپ، قۇقىق قورعاۋ ورگاندارى مەن رف قك ۇلتتىق گۆاردياسى اسكەريلەرى قالاداعى جانە عارىش ايلاعىنداعى قاۋىپسىزدىكتى قورعاۋدى جۇزەگە اسىرۋدى جوسپارلاپ وتىر»,-دەيدى  حابارلامادا.

سولتۇستىكتەگى كورشىلەرىمىزدىڭ ەلىمىزدىڭ سولتۇستىك وڭىرىنە كوزى ءتۇسىپ جۇرگەنى بەلگىلى. ال بايقوڭىردى بولماشى تيىن-تەبەنگە جالداپ وتىر. كوڭىلىمىزدى كۇپتى ەتەتىن جالقى سۇراعىمىز مىناۋ: قورعانۋعا ءتيىستى وبەكتىدەن قاۋىپسىزدىگىمىزدى قورعاۋدى سۇراعانىمىز قالاي؟

2015-2016 جىلدار اراسىندا ەسكى ۇكىمەت بايقوڭىردىڭ تاعدىرىن تابانعا باسقانداي توز-توزىن شىعاردى. ەستەرىڭىزگە تۇسىرە كەتەيىك:

.ەكس-ۆيتسە مينيستر ۆلاديمير بوجكو «پروتون» اپاتىنان بايقوڭىر حالقىنىڭ ەشقانداي زارداپ شەكپەگەنىن ايتتى.

·ينۆەستيتسيا جانە دامۋ مينيسترلىگى  قوستاناي وبلىسى مەن اقتوبە وبلىسىنان زىمىران قالدىقتارىن قۇلاتۋعا 63 مىڭ گەكتار جەر بەرەتىن بولدى.

ء·بىزدىڭ بايقوڭىردان ءبىزدىڭ عارىشكەرىمىز ايدىن ايىمبەتوۆتى عارىشقا ۇشىردىق. ول ءۇشىن 20 ميلليارد تاعى بەردىك، رەسەيگە.

·10 ملن. گەكتارعا تەڭ قازاق جەرىن سىناق الاڭىنا اينالدىرعانى ءۇشىن رەسەيلىكتەر ەلىمىزگە نەبارى 27 ملن. دوللار تولەيدى دەگەن. راس ول دا تولەنبەدى.

·32  مارتە «پروتون» زىمىرانىن قۇلادى.

ەرتەڭ الاعاي دا بۇلاعاي كەزەڭ تۋا قالسا، پۋتين مىرزانىڭ پيعىلى اۋىسىپ، ءورىستىلدى تۇرعىنداردىڭ قۇقىعى دەگەندى جەلەۋ ەتىپ، باسىپ كىرۋى دە عاجاپ ەمەس. ونداي جاعدايدا قازىرگى جارىلقاپ بەرگەن قارۋلارى مەن اسكەرى قازاقتىڭ وزىنە قارسى باعىتتالماسىنا  ەشكىم كەپىل بولا المايدى. بۇعان قوسا، قازاقستان اۋماعىنداعى رەسەيگە جالعا بەرىلگەن ايماقتاردىڭ ماسەلەسى تۇر. بۇل تەك بايقوڭىر قالاسىنا قاتىستى ەمەس، بايقوڭىردان وزگە قازاقستاندا 11 ميلليون گەكتار جەر رەسەيدىڭ اسكەري پوليگونىنا اينالىپ وتىر. وسى پوليگونداردى جابۋ ماسەلەسىنە كەلگەندە بيلىك باسىنداعى بيشىكتەر بەيتاراپتىق تانىتىپ وتىرعانى تۋرالى وسىعان دەيىن دە جازدىق. ءبىزدىڭ بيلىكتىڭ بايقوڭىرعا بەيتاراپ قارايتىنى بەلگىلى. ارى ايت تا، بەرى ايت، ەندى   بايقوڭىر تىنىشتىعىن رف قارۋلى كۇشتەرى قورعايدى ەكەن.

نۇرگەلدى ابدىعانيۇلى

Abai.kz