تۇركىمەنستاندا بەلگىلى "AlpEt" مەيرامحاناسىنىڭ جانە "Merdem" ويىن-ساۋىق ورتالىعىنىڭ قوجايىنى رەسۋل اتاگەلدىەۆتى بيلىك نەسيەنى ماقساتسىز پايدالاندى دەپ ايىپتادى. دوستارى بولسا كاسىپكەر نەسيەنى ۋاقىتىندا جاۋاپ تۇردى دەگەندى العا تارتتى. بىراق تەرگەۋ ول قاراجاتتىڭ گۇلەنمەن بايلانىسى بار دەلىنەتىن شەتەلدىك كومپانيالاردىڭ ەسەبىنە اۋدارعان دەپ وتىر.

بەلگىلى بولعانداي، ەلدەگى كەم دەگەندە تاعى جيىرما شاقتى بەلگىلى كاسىپكەر تۇرىك ءدىن ۋاعىزداۋشىسىمەن بايلانىسى بار دەگەن كۇدىكپەن ۇستالعان.

كاسىپكەرلەردىڭ ۇستالۋى تۇركيا پرەزيدەنتى رەجەپ تايىپ ەردوعاننىڭ اشحابادقا ساپارى قارساڭىندا جۇزەگە استى دەگەن بولجام بار. ەردوعان ۇكىمەتى وپپوزيتسيالىق ساياساتكەر گۇلەندى جانە ونىڭ "حيزمەت" ۇيىمىن شىلدەدە ءساتسىز اياقتالعان اسكەري توڭكەرىستى ۇيىمداستىردى دەپ ايىپتاپ وتىر.

تۇركياداعى بۇلىكتەن سوڭ اشحابادتا گۇلەن قوزعالىسىنىڭ قامقورلىعىنداعى حالىقارالىق تۇركىمەن-تۇرىك ۋنيۆەرسيتەتى جابىلدى. رەسۋل اتاگەلدىەۆ جانە باسقا دا تۇركىمەن كاسىپكەرلەرى وسى وقۋ ورنىن بىتىرگەن.

Abai.kz