وڭتۇستىك قازاقستان وبلىسىنىڭ اكىمدىگىندە ايماق باسشىسى جانسەيىت تۇيمەباەۆتىڭ توراعالىعىمەن سەلەكتورلىق جيىن ءوتتى. ماجىلىسكە وبلىستىق باسقارما باسشىلارى مەن اۋدان، قالا اكىمدەرى قاتىستى.

جيىن بارىسىندا وڭىرىمىزدەگى يندۋستريالدى ايماقتاردىڭ ماسەلەلەرى مەن 2016 جىلعا ارنالعان نەگىزگى كاپيتالعا باعىتتالعان ينۆەستيتسيا كورسەتكىشىنىڭ ورىندالۋ بارىسى جانە جىلىجاي شارۋاشىلىعىن دامىتۋ ماسەلەلەرى قارالدى.

وبلىس اكىمى ەكونوميكانىڭ قارقىنىن ساقتاپ، سول ارقىلى تۇرعىنداردىڭ ءال-اۋقاتىن السىرەتپەۋدى ياعني، ايماقتا جاڭا جۇمىس ورىندارىن اشىپ، جۇمىسسىزدىقتىڭ كوبەيۋىنە جول بەرمەۋدى باسا ايتتى.

سونىمەن بىرگە، اۋدان، قالا اكىمدىكتەرىمەن بولعان تىكەلەي بايلانىستا اكىم يندۋستريالىق ايماق، جىلىجاي جانە ينۆەستيتسيا سالالارىنا ءالى دە كوپ كوڭىل ءبولۋ كەرەكتىگىن ايتتى. جالپى، وبلىستاعى يندۋستريالىق ايماقتاردا 83 جوبانى جۇزەگە اسىرۋ كوزدەلسە، بۇگىنگە دەيىن سونىڭ 42-ءى عانا ورىندالعان. ال، ەكونوميكاعا ينۆەستيتسيا تارتۋ وتكەن جىلعا قاراعاندا 40 ميلليارد تەڭگەگە كەمىگەن. جەرى شۇرايلى، اۋا رايى قولايلى وڭىردەگى جىلىجاي وندىرىسىندە ىلگەرىلەۋ از.

ءوز كەزەگىندە ايماق باسشىسى وبلىستىق اۋىل شارۋاشىلىعى باسقارماسىنىڭ باسشىسى سەرىك تۇربەكوۆتىڭ ەسەبىن تىڭدادى. ج.تۇيمەباەۆ جىلىجاي وندىرىسىنە، اسىرەسە ونەركاسىپتىك جىلىجايلارعا ەرەكشە ماڭىز بەرۋ كەرەكتىگىن ەسكەرتتى. سونداي-اق، اكىم وزبەكستان مەن قىتايدىڭ ونىمىنە تاۋەلدى بولماي، وڭتۇستىكتەگى جىلىجايدىڭ وتانى سانالاتىن - سارىاعاشتان بولەك، بارلىق اۋدان، قالالاردا جىلىجاي وندىرىسىنە جەتە ءمان بەرۋ كەرەكتىگىنە توقتالدى.

Abai.kz