رەسەي پرەزيدەنتى ۆلاديمير پۋتين سيريانىڭ الەپپو قالاسىنا 4 قاراشادا جاڭا "گۋمانيتارلىق ءۇءزىلىس" ەنگىزۋگە تاپسىرما بەردى دەپ حابارلايدى رەسەيدىڭ قورعانىس مينيسترلىگى.

مەكەمە قالاداعى قارۋلى كۇشتەرگە ەكى ءدالىز بويىنشا ۇكىمەت اسكەرى مەن تەحنيكانى شىعارۋعا شاقىردى. تاعى دا التى ءدالىز بويىنشا جارالانعاندار مەن بەيبىت تۇرعىنداردى قالادان شىعارۋعا مۇمكىندىك بەرەدى.

رەسەيدىڭ قارۋلى كۇشتەرى باس شتابىنىڭ باسشىسى ۆالەري گەراسيموۆتىڭ سوزدەرىنشە، ءۇزىلىس 9:00-دان 19:00-گە دەيىن سوزىلادى. شەشىم سيريا ۇكىمەتىمەن كەلىسىلگەن.

20 قازاندا رەسەي "گۋمانيتارلىق ءۇزىلىس" ەنگىزگەن. بۇل كەزدە سيريا ۇكىمەتى مەن ماسكەۋ اۋە شابۋىلدارىن جاساماۋعا ۋادە ەتكەن. بىراق وسى ۋاقىت ارالىعىندا بۇۇ قاۋىپسىزدىككە كەپىل بولماعاندىقتان بەيبىت تۇرعىنداردى كوشىرە المادى.

Abai.kz