ءۇندىستان، ءۇندى قىتاي، وڭتۇستىك قىتايدا وسىرىلەتىن تسيترۋستى جەمىس - ليموندى باپتاۋدى تولەبيلىك شارۋالار دا مەڭگەرىپ كەلەدى. العاشىندا جۇرەكسىنىپ جۇرگەن ازاماتتار ەرەكشە جەمىس ءتۇرىن جىلىجايلارعا ەگىپ كورىپ، بۇگىندە توككەن تەرىنىڭ ناتيجەسىن كورە باستادى. بۇل تۋرالى «اباي اقپارات» پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

ليمون باپتاۋدىڭ تاسىلدەرىن مەڭگەرگەن جەرگىلىكتى ازامات كيم يۋري كوكسايەك ەلدى مەكەنىندە كولەمى 0,07 گا  جىلىجايدا ليمون ءوسىرۋدى قولعا العان. مۇندا 400-گە جۋىق ليمون كوشەتى وتىرعىزىلدى. شارۋانىڭ ءۇمىتى اقتالىپ، العاشقى ءونىم شىعا باستاعان سوڭ، ونى كاسىپكە اينالدىرۋ يدەياسى وزدىگىنەن تۋىندادى.

ناقتىراق ايتقاندا، ءۇش جىل بۇرىن ەگىلگەن كوشەتتەر بيىل-اق العاشقى نىشاندارىن كورسەتە باستادى.

جەكە كاسىپكەر يۋري الەكسەەۆيچ ءوز قاراجاتىنا سالعان بۇل ليموناريدەگى ءتسيترۋستى جەمىستى باپتاۋ ءۇشىن اسقان توزىمدىلىك قاجەت ەكەنىن ايتادى.

وسىعان قاراپ، وزگە دە تسيترۋستىك جەمىس-جيدەكتەر ساناتىنا جاتاتىن بانان، كيۆي سياقتى تروپيكالىق جەمىستەردى ەش قورىقپاستان جىلىجايلاردا وسىرۋگە بولاتىن سياقتى دەيدى ول.

ايتا كەتەيىك، بيىكتىگى 3-6 مەترگە جەتەتىن ليمون جەمىسىنىڭ ءۇي جاعدايىنداعى بيىكتىگى 2 مەترگە دەيىن جەتەدى. باياۋ ءوسىپ، العاشقى جەمىسىن 6-10 جىلدا بەرە باستايتىن ليمون اعاشى 60 جىلعا دەيىن وسەدى.

Abai.kz