بۇگىن وڭتۇستىك قازاقستان وبلىسىنىڭ اكىمدىگىندە «بايتەرەك» ۇلتتىق باسقارۋشى حولدينگى» اق باسقارما توراعاسى ەربولات دوساەۆتىڭ قاتىسۋىمەن وڭىردەگى تۇرعىن ءۇي قۇرىلىسى مەن كاسىپكەرلىكتى دامىتۋ بويىنشا جيىن ءوتتى.

باسقوسۋدى اشىپ بەرگەن وبلىس اكىمى جانسەيىت تۇيمەباەۆ ەلباسىنىڭ وبلىس ورتالىعى – شىمكەنتتى ەلىمىزدىڭ ءۇشىنشى مەگاپوليسىنە اينالدىرۋ تۋرالى تاپسىرماسىنا وراي، شاھاردىڭ بۇگىنگى تاڭدا ۇلكەن قۇرىلىس الاڭىنا اينالعانىن جەتكىزدى. بۇل رەتتە، ءوڭىر باسشىسى مۇنداي اۋقىمدى ىستەردىڭ ءساتتى اتقارىلۋىنا مەملەكەت پەن بيزنەستىڭ جۇيەلى ارا-قاتىناسى، ونىڭ ىشىندە، «بايتەرەك» حولدينگىنىڭ ۇلەسى وراسان ەكەنىن ايتتى.

ماسەلەن، وبلىسىمىزدا «بايتەرەك دەۆەلوپمەنت» ارقىلى بىلتىر كوپقاباتتى 36 تۇرعىن ءۇي پايدالانۋعا بەرىلىپ، 1 572 وتباسى تۇرعىن ۇيمەن قامتامىسىز ەتىلگەن. ال بيىل كولەمى شامامەن 93 مىڭ شارشى مەتر بولاتىن 1 496 پاتەرلى 34 تۇرعىن ءۇيدى پايدالانۋعا تاپسىرۋ جوسپارلانىپ وتىر.

ءوز كەزەگىندە، ءسوز العان ە.دوساەۆ وڭتۇستىك وڭىرىندەگى تۇرعىن ءۇي قۇرىلىسى مەن كاسىپكەرلىك سالالارىن دامىتىپ، قولداۋعا دايىن ەكەنىن جەتكىزدى.

جيىن سوڭىندا وڭتۇستىك قازاقستان وبلىسىنىڭ اكىمدىگى مەن «دامۋ» كاسىپكەرلىكتى دامىتۋ قورىنىڭ اراسىندا شاعىن جانە ورتا كاسىپكەرلىكتى قولداۋعا باعىتتالعان ورتاق مەموراندۋم ءتۇزىلدى. سونداي-اق، جوبالاردى قارجىلاندىرۋعا ازىرلەۋ اياسىندا «Kazakhstan Project Preparation Fund» جشس-مەن مەموراندۋمعا قول قويىلدى.

«ۇكىمەتتىڭ نەگىزگى مەملەكەتتىك جانە ۇكىمەتتىك باعدارلامالارىن جۇزەگە اسىرۋدا قارجىلىق وپەراتورى بولىپ تابىلاتىن «بايتەرەك» حولدينگى قر مەملەكەتتىك يندۋستريالدى-ينننوۆاتسيالىق دامۋ باعدارلاماسى اياسىندا 2020 جىلعا دەيىنگى يندۋستريالدى جوبالاردى قارجىلاندىرىپ، مەملەكەتتىك «نۇرلى جول» باعدارلاماسىنىڭ تۇرعىن ءۇي قۇرىلىسى جۇمىستارىنا قاتىسادى. سونىمەن بىرگە، «بيزنەستىڭ جول كارتاسى-2020» باعدارلاماسى شەڭبەرىندە شاعىن جانە ورتا كاسىپكەرلىكتى دامىتۋعا جان-جاقتى قولداۋ كورسەتەدى»، - دەدى باسقارما توراعاسى.

ەسكە سالايىق، ەلىمىزدەگى ءاربىر بەسىنشى بالا وڭتۇستىك قازاقستان وبلىسىندا تۋىلاتىنىن ەسكەرسەك، ءۇي كەزەگىندە تۇراتىن ازاماتتاردىڭ سانى كوپ بولاتىنى انىق. ياعني، بۇگىندە وڭىرىمىزدە 43 مىڭنان استام ازامات ءۇي كەزەگىندە تۇرسا، بۇل كورسەتكىش بويىنشا ايماعىمىز استانادان كەيىنگى ەكىنشى ورىندا.

ءماجىلىستى قورىتىندىلاعان وبلىس اكىمى وڭىردەگى كاسىپورىنداردىڭ دامۋىنا سەپتىگىن تيگىزگەن «بايتەرەك» حولدينگىنىڭ باسشىلىعىنا العىسىن ءبىلدىرىپ، الداعى ۋاقىتتا وسى باعىتتاعى جۇمىستاردى جانداندىرۋدا، ونىڭ ىشىندە توقىما كلاستەرىن دامىتۋدا بىرلەسە جۇمىس جاساۋعا شاقىردى.

جيىن سوڭىندا وڭتۇستىك قازاقستان وبلىسىنىڭ اكىمدىگى مەن «دامۋ» كاسىپكەرلىكتى دامىتۋ قورىنىڭ اراسىندا شاعىن جانە ورتا كاسىپكەرلىكتى قولداۋعا باعىتتالعان ورتاق مەموراندۋم ءتۇزىلدى. سونداي-اق، جوبالاردى قارجىلاندىرۋعا ازىرلەۋ اياسىندا «Kazakhstan Project Preparation Fund» جشس-مەن مەموراندۋمعا قول قويىلدى.

وقو اكىمىنىڭ ءباسپاسوز قىزمەتى