سايرام اۋدانىندا رەتسىز ساۋدا ورىندارىن جويۋ ماقساتىندا اۋدان ورتالىعىنان الەۋمەتتىك ساۋدا ورتالىعى اشىلدى.

كوشەلەردىڭ تازالىعى مەن كورىكتەندىرۋدى جانە رەتسىز ساۋدا ورىندارىن جويۋدى قويۋدى ماقسات ەتكەن سايرام اۋدانىنىڭ اكىمدىگى بۇل جۇمىستار وڭ ناتيجەسىن بەرەدى دەپ سەنەدى.

وسى رەتتە، اقسۋ اۋىلىنىڭ ورتالىعى ابىلايحان، جىبەك-جولى كوشەلەرى بويلارىندا ورنالاسقان رەتسىز ساۋدا ورىندارى بويىنشا، ءاىى باسقارماسىنىڭ ۋچاسكەلىك پوليتسيا ينسپەكتورلارىمەن بىرلەسە وتىرىپ مونيتورينگ جۇرگىزىلدى. ەسكەرتۋ پاراقشالارى مەن بۋكلەتتەر تاراتىلدى. جۇمىسشى توپ قۇرامى، اۋدان ورتالىعىنداعى رەتسىز ساۋدا جاساۋشىلاردىڭ ۋاجدەرىنە بايلانىستى، زاڭدى جەرلەردە ساۋدا جاساۋ ءۇشىن ءتيىستى جۇمىستار جۇرگىزدى.

ناتيجەسىندە جەكە كاسىپكەردىڭ ەسەبىنەن «الەۋمەتتىك بازاردىڭ» قۇرىلىسى جۇرگىزىلىپ، پايدالانۋعا بەرىلدى. بۇگىنگى تاڭدا اۋدان اكىمىنىڭ باسشىلىعىمەن اۋدان ورتالىعىنداعى رەتسىز ساۋدامەن اينالىساتىن تۇرعىندار اتالعان ساۋدا ورتالىعىنا كوشىرىلدى.

سونىمەن قاتار، سايرامدا تۇراقتى تۇردە اۋدان اكىمىنىڭ باستاماسىمەن اۋدان تۇرعىندارى جانە اۋدانعا قاراستى مەكەمە ۇيىمدارى بىرلەسىپ جالپى اۋداندىق سەنبىلىكتەر وتكىزۋدە. سەنبىلىكتە  كوشە بويلارى مەن جەكە تۇرعىن ءۇي ماڭايى جانە عيمارات الاڭدارى، اشىق دالالى جەرلەر تازالانۋدا. سونىمەن قاتار، اۋىلدىق وكرۋگتەردە ءار سەنبىلىك سايىن اعاش كوشەتتەرى وتىرعىزىلۋدا.

سايرام اۋدانى اكىمىنىڭ ءباسپاسوز قىزمەتى