اۋىل شارۋاشىلىعى-ماتەريالدىق ءوندىرىستىڭ  ەڭ ماڭىزدى تۇرلەرىنىڭ ءبىرى. اۋىل شارۋاشىلىعى حالىقتى ازىق-تۇلىكپەن جانە ونەركاسىپتى شيكىزاتتىڭ كەيبىر تۇرلەرىمەن قامتاماسىز ەتۋمەن اينالىسادى. ءبىزدىڭ وڭىرىمىزدە دە اۋىل شارۋاشىلىعى ونىمدەرىن قايتا وڭدەۋ ىلگەرى دامىپ كەلەدى.

بۇگىن تۇركىستان قالاسىنا قاراستى وراڭعاي اۋىلدىق وكرۋگىندە قۋانىشتى مەرەكە. سەبەبى مۇندا  ء«ال-بەرەكە» اتىنداعى اۋىل-شارۋاشىلىق داقىلدارىن قايتا وڭدەۋ كووپەراتيۆى ىسكە قوسىلدى. كوپەراتيۆتى جەكە كاسىپكەر سۇلەيمەنوۆ ءابدىرايىم باسقارادى. ارنايى بارىپ  اشقان قالا اكىمى ءا.وسەرباەۆ شارۋاشىلىققا ساتتىلىك تىلەدى.

ء«ال-بەرەكە» شارۋاشىلىق كووپەراتيۆى تولىق ىسكە قوسىلعاندا 38 ادامدى جۇمىسپەن قامتۋعا قاۋقارلى.جىلدىق وڭدەۋ قۋاتى دا ارتا تۇسپەك. الىستى-جاقىندى اۋىل-ايماقتاردىڭ كوكونىستەرى مەن داقىلدارى ەندى وسى  شارۋاشىلىقتا قايتا وڭدەلىپ، حالىق سۇرانىسىن قاناعاتاندىراتىن بولادى.نەگىزىنەن  قىزاناق،قيار، اسقاباق يكراسى، جەمىس-جيدەك شىرىندارى دايىندالىپ شىعارىلادى.

ايتا كەتەيىك، وسىعان دەيىن تۇركىستان قالاسىندا تاعى دا ايتۋلى شارا. تاۋەلسىزدىكتىڭ 25-جىلدىعى قارساڭىندا  قالا تۇرعىندارىنىڭ قۋانىشىندا شەك جوق. كوپتەن بەرى شەشىمىن تابا الماي كەلە  جاتقان تۇيتكىلدى ماسەلە بۇگىن وڭ ناتيجەگە قول جەتكىزۋدە. ول «نۇر-اسەم» مال بازارىنىڭ اشىلۋى. اشىلۋعا ارنايى بارىپ لەنتاسىن قيعان قالا اكىمى بازار ۇجىمىنا تابىس تىلەدى.

 بازار باسشىلىعى-جەكە كاسىپكەر ءابسامات ماتكارىمۇلى ستاندارتقا ساي سوڭعى ۇلگىدەگى، اشىلعان بۇل ورىندا ەكى ءجۇز ادامدى جۇمىسپەن قامتيتىنىن تىلگە تيەك ەتتى.

تۇركىستان قالاسى جانە اۋىلدىق وكرۋگتەردىڭ نەگىزگى كۇنكورىس سالاسى مال مەن ەگىن شارۋاشىلىعى ەكەنى  بەلگىلى.جىل وتكەن سايىن مال باسىنىڭ ارتۋى كوڭىل قۋانتادى.سونىڭ ىشىندە ىقم باسى 81994 باس  106,5%-عا، قوي-ەشكى 437577 باس 104,5%-عا، جىلقى 9983باس 108,5%-عا، تۇيە 2742 باس 105,4%-عا ارتتى، شوشقا 1089 باس، 82,4% قۇراعان.

Abai.kz