ەلباسى ن.ءا.نازارباەۆ قازاقستان حالقى اسسامبلەياسىنىڭ ءححىV سەسسياسىندا مەدياتسيانى دامىتۋدى قحا قىزمەتىنىڭ ماڭىزدى باعىتتارىنىڭ ءبىرى رەتىندە بەلگىلەپ بەردى.

سوعان سايكەس وقو قازاقستان حالقى اسسامبلەياسى وبلىسىمىزدىڭ اۋدان، قالالارىندا ارنايى سەمينارلار ۇيىمداستىرىپ كەلەدى. بۇل تۋرالى «اباي اقپارات» پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

بۇگىن ماقتارال اۋدانىندا وتكەن سەمينارعا وقو اكىمى اپپاراتى «قوعامدىق كەلىسىم» كمم ساراپشىسى حاسان باتسيەۆ، وبلىستىق جانە اۋداندىق ەتنومادەني بىرلەستىكتەردىڭ توراعالارى، اۋداندىق سوتتىڭ سۋديالارى، اۋىل اكىمدىكتەرىنىڭ زاڭگەرلەرى مەن كاسىبي ەمەس مەدياتورلارى قاتىستى. 

جيىندا «مەدياتسيا تۋرالى» زاڭنىڭ تالاپتارى كەڭىنەن ءتۇسىندىرىلىپ، ونى دامىتۋدىڭ جولدارى ورتاعا سالىندى. 

ايتا كەتۋ كەرەك، «قوعامدىق كەلىسىم» كمم-دا تەحنيكالىق قۇرالدارمەن، ادىستەمەلىك ادەبيەتتەرمەن قامتاماسىز ەتىلگەن مەدياتسيا كابينەتى اشىلىپ، جۇمىس ىستەۋدە. جىل باسىنان 326 ادامعا كەڭەس بەرىلىپ، قابىلداۋعا كەلگەن 19 ازاماتقا كاسىبي مەدياتورلار قۇقىقتىق جاردەم كورسەتتى. مەدياتورلار تۋرالى دەرەكقور ءتۇزىلىپ، 4 مەدياتسيا ورتالىعىمەن بايلانىس ورناتىلدى. كاسىبي ەمەس مەدياتورلاردىڭ بىلىكتىلىگىن ارتتىرۋ ءۇشىن 10 اۋدان، قالادا سەمينارلار ۇيىمداستىرىلدى. وبلىستىق سوتپەن، ادىلەت دەپارتامەنتىمەن، نوتارياتتىق پالاتامەن جانە ادۆوكاتتار القاسىمەن ءوزارا ءىس-قيمىل جونىندەگى مەموراندۋم ءتۇزىلدى.

اباي اقپارات