مالايزيانىڭ پەنانگ قالاسىندا اۋىر اتلەتيكادان جاسوسپىرىمدەر اراسىندا ءوتىپ جاتقان الەم چەمپيوناتىندا جەرلەسىمىز ەۆگەني لومانوۆ قولا جۇلدەنى ەنشىلەدى.

بۇل تۋرالى قازاقپارات وبلىستىق دەنە شىنىقتىرۋ جانە سپورت باسقارماسىنا سىلتەمە جاساپ حابارلايدى.

قازاقستان قۇراماسىنىڭ قورجىنىنا العاشقى مەدالدى ەۆگەني سالدى. ول 77 كەلى سالماق دارەجەسىندە سىنعا ءتۇسىپ، جۇلقا كوتەرۋدە 140, سەرپە كوتەرۋدە 167 كەلىنى كوتەرىپ، قوسسايىستا 307 كەلىنى باعىندىردى.

ول 8 جاسىنان باستاپ اۋىر اتلەتيكامەن اينالىستى. بۇعان دەيىن بيىلعى جىلى شىمكەنت قالاسىندا وتكەن قر مەكتەپ جانە كوللەدج وقۋشىلارى اراسىنداعى سپارتاكيادانىڭ جەڭىمپازى اتانسا، جاسوسپىرىمدەر  جانە جاستار اراسىندا قازاقستان چەمپيوناتىندا كۇمىس جۇلدەنى يەلەندى. اۋىر اتلەتيكادان قر سپورت شەبەرى.

قازىرگى تاڭدا ەۆگەني ءباھادۇر اتىنداعى وبلىستىق سپورتتا دارىندى بالالارعا ارنالعان مەكتەپ-ينتەرناتتىڭ 11-سىنىبىندا وقيدى.

لومانوۆتىڭ جاتتىقتىرۋشىسى نۇرجان سماحانوۆ، ارمان ابدراەۆ.

ەندى ول كەلەسى جىلى بولاتىن الەم، ازيا چەمپيوناتتارىنا قاتىسۋعا دايىندالادى.

Abai.kz