بۇگىن، 22-قازان كۇنى الماتىدا «استانا» وتەلىنە جينالعان جۇرت ء«ۇش تۇعىرلى ءتىل» باعدارلاماسىن تالقىلاۋ ءۇشىن وسى جيىنعا قاتىسپاق پەيىلىن بىلدىرگەن قر ءبىلىم جانە عىلىم ءمينيسترى ەرلان ساعاديەۆتى كادىمگىدەي كۇتتى. جانبولات ماماي ءمينيستردىڭ كەلمەيتىنىن حابارلاعاندا ۆەدومستۆونىڭ حالىقپەن ديالوگقا قۇلىقسىز ەكەندىگىنە تاعى دا كوز جەتكىزدىك. مينيسترلىكتەن وسى جيىنعا قاتىسۋ تۋرالى بىردە ءبىر شەنەۋنىككە تاپسىرما بەرىلمەگەن. تەك امال جاساپ، 26-قازاندا استانادا وتەتىن دوڭگەلەك ۇستەلگە شاقىرىپتى. قازىرگىدەي قارجىلىق قيىنشىلىق جاعدايىندا وعان كىم بارادى؟

ءبىلىم سالاسىنىڭ جاناشىرلارى، ماماندار، عالىمدار مەن قوعام قايراتكەرلەرى مينيستر كەلمەسە دە ءۇش ساعاتقا جۋىق ء«ۇش تۇعىرلى ءتىل» باعدارلاماسىنىڭ مۇمكىندىگى مەن كەمىستىكتەرىن تالقىلادى. م.شاحانوۆ، ق.ءجۇمادىلوۆ، د.كوشىم، ش.قۇرمانباەۆ، م.توقاشباەۆ، م.مىرزاحمەتوۆ، م.كەنجەباي، تولعاناي قارىنداسىمىز بەن وسى تاقىرىپتا سويلەگەن باسقا قوعامدىق جۇرتشىلىق وكىلدەرى ء«ۇش تۇعىرلى ءتىلدىڭ» انتيقازاقتىق سيپاتىن اشىپ بەردى. ءبىلىم سالاسى مەن ەكونوميكاسى قاتار جەتىك دامىعان الەمنىڭ 20 ەلىنىڭ بىردە بىرىندە ءۇش تىلدىلىك تاجىريبەسى جوق ەكەن. عىلىمي زەرتتەۋلەر جۇرگىزىلمەگەن. جۇيەلىلىك ماسەلەسىن ەشكىم كوتەرمەيدى. كونفەرەنتسياعا قاتىسۋشىلار ۇكىمەت پەن مينيسترلىك اتىنا ء«ۇش تۇعىرلى ءتىل» سياقتى حالىققا زياندى جوبانى دەرەۋ توقتاتۋعا شاقىرعان ۇندەۋ حات قابىلدادى.

مارات توقاشباەۆ

Facebook-تەگى پاراقشاسىنان