ناتو ۋكرايناداعى جاعدايدى رەسەيمەن تالقىلاۋعا دايىن
سولتۇستىك اتلانتيكالىق وداق دونباستاعى جاعدايدى ناتو – رەسەي كەزدەسۋىندە تالقىلاۋعا ءازىر. بۇل تۋرالى ناتو باس حاتشىسى يەنس ستولتەنبەرگ مالىمدەدى.
ۇيىم وكىلدەرى رەسەيمەن مينسك كەلىسىمى مەن جانجالدى رەتتەۋگە ارنالعان "جول كارتاسىن" جۇزەگە اسىرۋ جولدارىن تالقىلاعىسى كەلەدى. "جول كارتاسى" سارسەنبى كۇنى بەرليندە "نورماند تورتتىگى" باسشىلارىنىڭ كەزدەسۋىندە قابىلدانعان ەدى. ستولتەنبەرگ بۇل كەلىسسوزدەردىڭ قاشان باستالاتىنىن ايتقان جوق.
2014 جىلى قىرىمنىڭ رەسەيمەن اننەكسيالانۋىنان سوڭ ناتو ماسكەۋمەن ارىپتەستىگىن توقتاتتى. ستولتەنبەرگتىڭ ايتۋىنشا، قازىرگى تاڭدا رەسەيمەن قارىم-قاتىناستا ساياسي ديالوگ تاكتيكاسى قولدانىلادى.
Abai.kz
