كەشە وبلىس اكىمدىگىندە وڭتۇستىك قازاقستان وبلىستىق قوعامدىق كەڭەستىڭ وتىرىسى ءوتتى.

كەڭەس وتىرىسىنا وبلىس اكىمىنىڭ ءبىرىنشى ورىنباسارى – د.ساتىبالدى، وبلىس اكىمىنىڭ اپپارات باسشىسى – ە.الىمقۇلوۆ، وبلىستىق قوعامدىق كەڭەس مۇشەلەرى، وبلىستىق باسقارما باسشىلارى جانە باق وكىلدەرى قاتىستى.

وتىرىستى وبلىستىق قوعامدىق كەڭەس توراعاسىنىڭ مىندەتىن اتقارۋشى، وبلىستىق ءماسليحاتتىڭ دەپۋتاتى ءو.مەلدەحانوۆ اشىپ، جۇرگىزىپ وتىردى.

كەڭەستىڭ كۇن تارتىبىندە ءتورت ماسەلە قارالدى. ولار:

1) «2017-2019 جىلدارعا ارنالعان وبلىستىق بيۋدجەت تۋرالى»

(وبلىستىق ەكونوميكا جانە بيۋدجەتتىك جوسپارلاۋ باسقارماسى);

2) «ازاماتتاردىڭ جەكەلەگەن ساناتتارىنا امبۋلاتوريالىق ەمدەۋ كەزىندە تەگىن دارىلىك زاتتاردى قوسىمشا بەرۋ تۋرالى» وڭتۇستىك قازاقستان وبلىستىق ءماسليحاتىنىڭ 2008 جىلعى 11 ساۋىردەگى №6/86-ءىV شەشىمىنە تولىقتىرۋلار ەنگىزۋ تۋرالى» (وبلىستىق دەنساۋلىق ساقتاۋ باسقارماسى);

3) «Cۋ قورعاۋ ايماقتارى مەن بەلدەۋلەرى جانە ولاردى شارۋاشىلىقتا پايدالانۋ رەجيمى تۋرالى» وبلىس اكىمىدىگىنىڭ قاۋلى جوباسى تۋرالى; (وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى);

4) «2016 جىلعا اسىل تۇقىمدى مال شارۋاشىلىعىن دامىتۋدى، مال شارۋاشىلىعىنىڭ ونiمدiلiگiن جانە ءونىم ساپاسىن ارتتىرۋعا  سۋبسيديالار كولەمدەرىن  بەكىتۋ تۋرالى» وڭتۇستىك قازاقستان وبلىسى اكىمدىگىنىڭ 2016 جىلعى 5 ساۋىردەگى №101 قاۋلىسىنا وزگەرىستەر ەنگىزۋ تۋرالى» وبلىس اكىمدىگىنىڭ قاۋلى جوباسى تۋرالى; (وبلىستىق اۋىل شارۋاشىلىعى باسقارماسى).

وتىرىس بارىسىندا وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ، دەنساۋلىق ساقتاۋ باسقارماسىنىڭ، تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ، اۋىل شارۋاشىلىعى باسقارماسىنىڭ باسشىلارى بايانداما جاساپ، جالپى نورماتيۆتىك-قۇقىقتىق اكتىلەرىنە وزگەرىستەر ەنگىزۋ سەبەپتەرى بويىنشا مالىمدەدى.

سونىمەن قاتار، ءماجىلىس بارىسىندا قوعامدىق كەڭەس مۇشەلەرى تاراپىنان بايانداماشىلارعا سۇراقتار قويىلىپ، ۇسىنىستار ەنگىزىلدى.

كەڭەس وتىرىس قورىتىندىسىمەن كۇن تارتىبىندەگى ماسەلەلەر بويىنشا كوعامدىق كەڭەس مۇشەلەرى تاراپىنان ءبىراۋىزدان ماقۇلدانىپ، وبلىستىق ءماسليحاتتىڭ قاراۋىنا ۇسىنىلدى. 

Abai.kz