شىمكەنتتە "كولىك، لوگيستيكا جانە ينفراقۇرىلىم" - "Silk Way Transport, Logistics Infrastructure" اتتى II حالىقارالىق كورمەسى باستالدى. شارانى وقو كاسىپكەرلىك، يندۋستريالدى-يننوۆاتسيالىق دامۋ جانە تۋريزم باسقارماسىنىڭ باسشىسى مارات قاراباەۆ پەن "كولىك-لوگيستيكالىق اۋماعى" باسقارۋشى كومپانياسى" جشس باس ديرەكتورىنىڭ ورىنباسارى مارات تەلعوزى اشتى.

بۇل كورمەدە كولىك جانە لوگيستيكالىق كومپانيالار وزدەرىنىڭ قىزمەتتەرى مەن جابدىقتارىن ۇسىنىپ، ءوزارا تاجىريبە الماسۋدا. ولاردىڭ ىشىندە Nimex-Trans, CK Logistics, Giansar, الەم تات، STI Logistics, Elite Logistics, سپەتس-اۆتو، K2 - كرانپوستاۆكا، Transasia Systems KZ, Instar Logistics,  كاماز ەۆرو سەرۆيس، Omega Story Group Logisoft, كازاحستان لوگيستيك گرۋپپ، زەردە عوب، ەۆروترانزيتتەرمينال، Continental Logistics, Scat, ستەللاجي.KZ, سويۋزترانسلينك جانە باسقا كومپانيالار بار.

شارا اياسىندا وڭتۇستىك قازاقستان وبلىسىنىڭ وكىلدەرىنىڭ جانە كولىك كاسىپورىندارى باسشىلارىنىڭ قاتىسۋىمەن ءوڭىردىڭ كولىك الەۋەتىن دامىتۋ ماسەلەلەرى بويىنشا دوڭگەلەك ۇستەل ءوتتى. شارانىڭ قاتىسۋشىلارى كولىك ينفراقۇرىلىمىن دامىتۋدىڭ جوسپارلارىمەن جانە وڭتۇستىك قازاقستان وبلىسىندا كولىك-لوگيستيكالىق اۋماعىن سالۋدىڭ بولاشاعىمەن تانىسادى.

وقو اۋماعىندا بىرنەشە يندۋستريالىق جانە كولىك-لوگيستيكالىق اۋماعى جۇمىس ىستەيدى. سونداي-اق "باتىس ەۋروپا - باتىس قىتاي" اۆتوكولىك ءدالىزى دە بۇل سالانىڭ دامۋىن ىلگەرىلەتەدى.

بولاشاقتا شىمكەنت قالاسى جوعارى تەحنولوگيالىق جانە ەكسپورتقا باعىتتالعان ءونىمدى شىعارۋعا مامانداندىرىلعان قازاقستاننىڭ ءىرى ونەركاسىپ ورتالىعىنا اينالاتىنىنا سەنىمدى ۇيىمداستىرۋشىلار. حالىقارالىق قورمە ەكى كۇنگە جالعاسادى.

Abai.kz