بۇگىن وبلىس اكىمى جانسەيىت تۇيمەباەۆ بايدىبەك اۋدانىنىڭ اكتيۆىنە  قر پرەزيدەنتى اكىمشىلىگى  مەن اۋداندىق ءماسليحاتتىڭ كەلىسىمىمەن  تاعايىندالعان جاڭا əكىمدى تانىستىردى. 

وڭتۇستىك قازاقستان وبلىسى əكىمىنىڭ وكىمىمەن بايدىبەك اۋدانىنىڭ اكىمى بولىپ باحىتبەك تولەنۇلى تاناگۋزوۆ تاعايىندالدى.

جاڭا باسشىنى تانىستىرۋ ساتىندە ءوڭىر باسشىسى لاۋازىم يەسىنىڭ جۇمىسىنا تابىس تىلەپ، بايدىبەكتەگى حالىقتىڭ الەۋمەتتىك-ەكونوميكالىق ءال-اۋقاتىن كوتەرۋدەگى باسشىلىقتا ەلباسى تاپسىرمالارىن مەرزىمدى ءارى ناتيجەلى ورىنداۋدى تاپسىردى. سونىمەن بىرگە، اۋداننىڭ دامۋىنا ءوز ۇلەسىن قوسقان بۇرىنعى اكىم باتىربەك كوشەربايعا العىسىن ءبىلدىرىپ، قىزمەتىنە ساتتىلىك تىلەدى.

جاڭا باسشىنى تانىستىرۋ ساتىندە ءوڭىر باسشىسى لاۋازىم يەسىنىڭ جۇمىسىنا تابىس تىلەپ، بايدىبەكتەگى حالىقتىڭ الەۋمەتتىك-ەكونوميكالىق ءال-اۋقاتىن كوتەرۋدەگى باسشىلىقتا ەلباسى تاپسىرمالارىن مەرزىمدى ءارى ناتيجەلى ورىنداۋدى تاپسىردى.

باحىتبەك تولەنۇلى تاناگۋزوۆ 1957 جىلى تۋىلعان. وڭتۇستىك قازاقستان وبلىسى سوزاق اۋدانىنىڭ تۋماسى. ءبىلىمى - جوعارى، ەكونوميست ماماندىعىن يگەرگەن.

ەڭبەك جولىن 1979 جىلى شولاققورعان مەملەكەتتىك بانكىنىڭ ەكونوميستى رەتىندە باستاعان. كەيىن سوزاق اۋدانىندا پارتيا كوميتەتىنىڭ نۇسقاۋشىسى، كومسومول كوميتەتىنىڭ ءبىرىنشى حاتشىسى، پارتيا كوميتەتى ۇگىتتەۋ جانە ناسيحاتتاۋ ءبولىمىنىڭ مەڭگەرۋشىسى بولىپ ەڭبەك ەتكەن.

1989-2010 جىلدارى «اگروونەركاسىپ قىزمەتكەرلەرى» كاسىپوداعى اۋداندىق كوميتەتىنىڭ توراعاسى، سوزاق اۋدانى اكىمىنىڭ ورىنباسارى، «تۇران الەم بانك» تاۋكەنت بولىمشەسىنىڭ باسقارۋشى جانە «ايگەرىم»، «سانجار فرۋدس» جاۋاپكەرشىلىگى شەكتەۋلى سەرىكتەستىكتەرىنىڭ ديرەكتورى لاۋازىمدارىندا ەڭبەك ەتكەن.

2010-2016 جىلدارى سايرام اۋدانى تاسساي اۋىلدىق وكرۋگىنىڭ اكىمى، سايرام اۋدانى اكىمىنىڭ كەڭەسشىسى جانە ورىنباسارى لاۋازىمدارىن اتقارعان.

2016 جىلدىڭ مامىر ايىنان باستاپ تۇلكىباس اۋدانى اكىمىنىڭ ورىنباسارى بولىپ ەڭبەك ەتىپ كەلگەن.

ايتا كەتۋ كەرەك، بايدىبەك اۋدانىندا 55 مىڭنان استام حالىق تۇرادى. مۇندا 52 ەلدى مەكەن، 11 اۋىلدىق وكرۋگ بار. اۋدان نەگىزىنەن اۋىل شارۋاشىلىعىنا بەيىمدەلگەن ءوڭىر بولىپ تابىلادى.    

Abai.kz