وبلىس اكىمى جانسەيىت تۇيمەباەۆ تۇركيالىق «ەكسپەرت پەيزاج» كومپانياسىنىڭ جەتەكشىسى بيلال تاريك دەدەمەن كەزدەستى. باسقوسۋعا وبلىس اكىمىنىڭ ورىنباسارى س.تۇياقباەۆ پەن اتالعان تۇرىك كومپانياسىنىڭ وكىلى الاباجاك چينان قاتىستى.

ەكەۋارا اڭگىمەدە تاراپتار باۋىرلاس ەلدەردىڭ ءتۇرلى سالالارداعى ىنتىماقتاستىق جۇمىستارىن ءسوز ەتىپ، الداعى ۋاقىتتا دا بۇل ۇردىستەن جاڭىلماۋعا ۋاعدالاستى. وڭتۇستىك قازاقستان وبلىسىنىڭ ينۆەستيتسيالىق الەۋەتىمەن تانىسقان قوناقتار وبلىس جەتەكشىلىگىنە اباتتاندىرۋ جۇمىستارىمەن اينالىساتىن «ەكسپەرت پەيزاج» كومپانياسىنىڭ لاندشافتتى ديزاين قىزمەتىن ۇسىندى.

ءوز كەزەگىندە، ءوڭىر باسشىسى اتالعان ۇسىنىستى وڭ قابىلداپ، كومپانيانىڭ قىزمەتىن وبلىستاعى كورىكتەندىرۋ جۇمىستارىنا پايدالانۋ ءۇشىن وبلىستىق ساۋلەت جانە قالا قۇرىلىسى باسقارماسى مەن وبلىستىق كاسىپكەرلىك، يندۋستريالدى-يننوۆاتسيالىق دامۋ جانە تۋريزم باسقارماسىنا ءتۋريزمدى دامىتۋ باعىتى بويىنشا ءتيىستى ۇسىنىس ەنگىزۋدى جۇكتەدى.

ايتا كەتەيىك، «ەكسپەرت پەيزاج» كومپانياسى تۇركيانىڭ انتاليا قالاسىنداعى اباتتاندىرۋ جۇمىستارىنىڭ 40 پايىزىن جاساپ كەلە جاتقان بەلدى سەرىكتەستىك.

وقو-دا جاستاردى اسكەري-پاتريوتتىق تاربيەلەۋگە اتسالىسىپ جۇرگەن مەملەكەتتىك قىزمەتكەرلەر ماراپاتتالدى

بۇگىن وبلىس اكىمى جانسەيىت تۇيمەباەۆتىڭ قاتىسۋىمەن وقو اكىمدىگىندە جاستار مەن ءوزىنىڭ اسكەري بورىشىن وتەپ جاتقان جاۋىنگەرلەردى ەسكەري-پاتريوتتىق تاربيەلەۋگە اتسالىسىپ جۇرگەن مەملەكەتتىك قىزمەتكەرلەردى ماراپاتتاۋ ءراسىمى ءوتتى. جيىنعا قر ۇلتتىق ۇلانى «وڭتۇستىك» وڭىرلىك قولباسشىلىعى قولباسشىسىنىڭ تاربيە جانە الەۋمەتتىك قۇقىعى جونىندەگى ورىنباسارى سابىرجان سۇلەيمەنوۆ پەن 6506 اسكەري ءبولىمىنىڭ كومانديرى جامبىل قۋلباەۆ جانە اتالعان سالانىڭ وزگە دە قىزمەتكەرلەرى قاتىستى.

باسقوسۋدا س.سۇلەيمەنوۆ ايماق باسشىسىنا مەرەيتويلىق مەدال تابىستادى. ءوز كەزەگىندە، جاسالعان جوعارى قۇرمەت ءۇشىن ءوڭىر باسشىسى قوناقتارعا العىسىن ءبىلدىرىپ، تاۋەلسىز ەلدىڭ ەڭ باستى قاجەتتىلىكتەرىنىڭ ءبىرى – ونىڭ قاۋىپسىزدىگى ەكەنىن، وسكەلەڭ ۇرپاقتى وتانسۇيگىشتىككە، جاڭا قازاقستاندىق پاتريوتيزمگە تاربيەلەۋ بارشانىڭ مىندەتى ەكەنىن جەتكىزدى.

سونداي-اق، ەل شەبىن قورعاۋشىلارمەن بولعان كەزدەسۋدە ءى دارەجەلى «ۇلتتىق ۇلان» توسبەلگىسىمەن وقو اكىمى اپپاراتىنىڭ جۇمىلدىرۋ جانە قۇقىق قورعاۋ ورگاندارىمەن جۇمىس جونىندەگى باس ينسپەكتورى مەيىركۇل باتىربەكوۆا ماراپاتتالسا، ءىى دارەجەلى «ۇلتتىق ۇلان» توسبەلگىسى وقو ىشكى ساياسات باسقارماسىنىڭ باسشىسى بولات تولەگەنگە تابىستالدى.

Abai.kz