وقو-دا بيۋدجەتتىك مەكەمەلەر مەن كوپقاباتتى تۇرعىن ۇيلەر جىلۋ ماۋسىمىنا دايىن. بۇل تۋرالى 2016-2017 جىلدارداعى جىلۋ بەرۋ ماۋسىمىنا دايىندىق بارىسى تۋرالى وقو ايماقتىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا وبلىستىق ەنەرگەتيكا، تۇرعىن ءۇي-كوممۋنالدى شارۋاشىلىق باسقارماسىنىڭ باسشىسى مارعۇلان مارايىم حابارلادى. سونداي-اق، ءباسپاسوز جيىنىنا اتالعان باسقارمانىڭ ءبولىم باسشىسى باتىرشا ماحانوۆ پەن شىمكەنت قالالىق تۇكش ءبولىمىنىڭ باسشىسى تالعات قاسىمبەكوۆ قاتىستى.

باسقارما باسشىسىنىڭ مالىمدەۋىنشە، وقو-دا 13-قازان كۇنى اۋا-رايىنىڭ كۇرت تومەندەۋىنە بايلانىستى وبلىستىق اكىمدىكتە سەلەكتورلىق ءماجىلىس وتكىزىلىپ، بيۋدجەتتىك مەكەمەلەرگە جىلۋ بەرۋگە ناقتى تاپسىرمالار بەرىلگەن. ناتيجەسىندە 14-قازاننان باستاپ ءبىلىم، دەنساۋلىق ساقتاۋ جانە الەۋمەتتىك سالالارداعى بيۋدجەتتىك مەكەمەلەرگە جىلۋ بەرىلە باستادى.

«شىمكەنت قالاسى بويىنشا «3-ەنەرگوورتالىق» اق-مىندا 74 مۆت ەلەكتر قۋاتىن وندىرۋدە. جىلۋ قۇبىرلارىنا سۋ تولتىرىلا باستادى. ستانتسيا جىلۋ بەرۋگە دايىن. قالاداعى قالعان جىلۋ قۇبىرلارىنىڭ جوندەۋ جۇمىستارى 20.10.2016ج. دەيىن تولىق اياقتالادى. جالپى جىلۋ بەرۋ ماۋسىمىنا دايىندىق بارىسى بەكىتىلگەن كەستەگە سايكەس اتقارىلۋدا»، - دەدى م.مارايىم.

سونداي-اق، وبلىستا 1510 ءبىلىم، 951 دەنساۋلىق ساقتاۋ، 811 الەۋمەتتىك بيۋدجەتتىك مەكەمەلەرى ماۋسىمعا تولىق دايىندالعانىن جانە قاجەتتى 170,2 مىڭ توننا قاتتى وتىن، 9,2 ملن. ليتر سۇيىق وتىنمەن قامتاماسىز ەتىلگەنىن حابارلادى.

«وبلىستاعى ورتالىقتاندىرىلعان جىلۋمەن قامتاماسىز ەتىلەتىن 2278 كوپقاباتتى تۇرعىن ۇيلەردەن دايىندالعانى 2242 (98%). قالعان تەك شىمكەنت قالاسىنداعى 36 ءۇي 15 قازانعا تولىق دايىندالادى»، - دەدى ت.قاسىمبەكوۆ.

Abai.kz