بيىل ارىس قالاسى بويىنشا 5239 گەكتاردان استام جەرگە ەگىلگەن باقشا ونىمدەرىنەن بۇگىنگى تاڭعا دەيىن 104178 توننا ءونىم الىندى.

سىر انا مەن ارىس وزەنىن تەل ەمگەن ارىس قالاسىنىڭ ديقاندارى وزدەرىنىڭ باقشا ونىمدەرىن (قاربىز-قاۋىن)  وبلىس ورتالىعى شىمكەنت قالاسى مەن ەلىمىزدىڭ استانا، الماتى، اقتاۋ، اتىراۋ، اقتوبە  قالالارىن قامتىدى.

قازىرگى تاڭدا باقشا ونىمدەرىنىڭ ەكسپورتى ەۋرو وداق ەلدەرىنە شىعا باستادى. مىسالى، «اققالا» كووپەراتيۆى قاۋىن ونىمدەرىن گەرمانيا، بالتىق ەلدەرىنە، رەسەي فەدەراتسياسىنىڭ استاناسى ماسكەۋ قالاسىنا، ءنوۆوسىبىر، پەنزا، سامارا وبلىستارىنا  جونەلتىلۋدە.

جىلداعى ونىممەن سالىستىرعاندا ءونىمدى مولىنان العان ارىستىق ديقاندار الا جازداي ەتكەن ەڭبەكتەرىنىڭ اقتالعانىنا قۋانىشتى.

ايتا كەتەيىك، وڭىردە شاعىن جانە ورتا كاسىپكەرلىكتى دامىتۋ بۇگىنگى كۇننىڭ وزەكتى ماسەلەلەرىنىڭ ءبىرى. ەلباسى ن.ءا.نازارباەۆ جىلدا حالىققا ارناعان جولداۋلارىنىڭ باسىم باعىتتارىن كاسىپكەرلىكتى دامىتۋعا ارناپ كەلەدى.

شارۋالارعا كوپتەگەن جەڭىلدىكتەر ۇسىنىلىپ، مەملەكەتتىك باعدارلامالار بەكىتىلىپ، مول ءونىم الۋعا ءوز سەپتىگىن تيگىزۋدە.

وسى ماقساتتا بۇگىن «جاستار رەسۋرستىق ورتالىعى» كمم جانە «كاسىپكەرلەرگە قىزمەت كورسەتۋ ورتالىعى» بىرلەسىپ ۇيىمداستىرۋىمەن وتكەن «مال شارۋاشىلىعىن دامىتۋ» تاقىرىبىندا تاجىريبەلىك «ماستەر كلاسس» ءوتتى.

ءوز كاسىبىن ەندى اشۋدى جوسپارلاپ جۇرگەن باستاماشىل تۇرعىندار مەن ونى ءارى قاراي دامىتۋ نيەتىندەگى كاسىپكەرلەرگە كاسىپكەرلىكتىڭ نەگىزدەرى بويىنشا ءتۇسىندىرىلدى. قىسقا مەرزىمدىك وقىتۋ جوباسىنا قاتىسۋشىلارعا بيزنەستى اشۋ، ماركەتينگتىك جانە باسقارۋشىلىق قابىلەتتى دامىتۋ، قارجى زاڭدىلىعى سەكىلدى بيزنەستى ساۋاتتى جۇرگىزۋگە قاتىستى ماسەلەلەردە تاجىريبەسى مول، بىلىكتى ارىس قالالىق كاسىپكەرلىك مەكتەبىنىڭ بيزنەس ترەنەرى ج.كەنجەبەكوۆ ءدارىس وقىدى.

كۋرسقا قاتىسقان ارىس قالاسى بويىنشا بارلىعى 20 باستاۋىش كاسىپكەرگە كۋرستان وتكەنىن راستايتىن سەرتيفيكاتتار مەن كىتاپتار تابىستالدى.

وقۋ كۋرسىنا قاتىسۋشىلار ءوز العىستارىن ءبىلدىرىپ، الداعى ۋاقىتتا كاسىپكەر اتانىپ ەلىمىزدىڭ جارقىن بولاشاعى ءۇشىن ايانباي ەڭبەك ەتەتىندىكتەرىن جەتكىزدى.

Abai.kz