وبلىس اكىمى جانسەيىت تۇيمەباەۆ وسى اپتانىڭ ەكىنشى كۇنىندە شىمكەنت قالاسىنىڭ اكتيۆىمەن كەزدەسىپ، قالا əكىمى جəنە ونىڭ ورىنباسارلارىنىڭ بۇگىنگە دەيىن اتقارىلعان جۇمىستارىنىڭ ەسەبىن تىڭدادى.

«القالى كەزدەسۋدە قالا اكىمى شىمكەنت قالاسىنىڭ 2020 جىلعا دەيىنگى بەس جىلدىق دامۋ تۇجىرىمداماسى جوباسىنداعى بىرقاتار ماسەلەلەر مەن جاڭا باستامالار تۋرالى باياندادى. ءوز كەزەگىندە، ايماق باسشىسى وبلىستىڭ ءوسىپ، وركەندەۋى ارقاشان قالامەن تىعىز بايلانىستا ەكەنىن ايتىپ، شىمكەنتتىڭ əلەۋمەتتىك-ەكونوميكالىق دامۋى بويىنشا بىرقاتار ناقتى تاپسىرمالار بەردى.

سونداي-اق، قالادا ءبىلىم، عىلىم، مادەنيەت سالالارى بويىنشا كوپتەگەن جۇمىستار جۇرگىزىلىپ جاتقانىن اتاپ ءوتىپ، ەلباسى نۇرسۇلتان ءابىشۇلىنىڭ شىمكەنتتى بولاشاق ءۇشىنشى مەگاپوليسكە اينالدىرۋ بويىنشا جۇكتەگەن مىندەتتەرىن əرمەن قاراي بىرلەسە جۇزەگە اسىرۋعا شاقىردى»، - دەپ حابارلايدى وبلىس اكىمىنىڭ ءباسپاسوز قىزمەتى.

ءۇشىنشى مەگاپوليست اتانۋدان ۇمىتكەر شىمكەنتتىڭ الەۋمەتتىك-ەكونوميكالىق احۋالى جىلدان جىلعا جاقسارىپ كەلە جاتقانى بەلگىلى. سونىمەن قاتار، شىمشاھاردىڭ تۋريستىك ايماق رەتىندە دامۋ مۇمكىندىگىنىڭ جوعارى ەكەندىگىنە بايلانىستى وبلىس əكىمى قالانىڭ سىرت كەلبەتىنە ايرىقشا كوڭىل ءبولۋ قاجەتتىگىنە توقتالىپ، كوپقاباتتى تۇرعىن ۇيلەردىڭ قاسبەتى مەن بەي-بەرەكەت ورنالاسقان جارنامالىق بيدبوردتاردى رەتكە كەلتىرۋدى جۇكتەدى.

Abai.kz