قازاقستان پرەزيدەنتى يادرولىق قارۋسىز الەم جانە جاھاندىق قاۋىپسىزدىك ءۇشىن سىيلىعىن تاعايىنداۋ تۋرالى شەشىم قابىلداعان بولاتىن.

ەلباسى نۇرسۇلتان نازارباەۆتىڭ يادرولىق قارۋسىزدانۋ ىسىنە قوسقان جانە قوسىپ كەلە جاتقان ۇلەسى ۇشان-تەڭىز. مەملەكەت باسشىسى  29 تامىز – يادرولىق سىناقتارعا قارسى ءىس-قيمىلدىڭ حالىقارالىق كۇنى قارساڭىندا استانادا بولىپ وتكەن «يادرولىق قارۋسىز الەم قۇرۋ» دەپ اتالاتىن حالىقارالىق كونفەرەنتسيادا سويلەگەن سوزىندە قازاقستاندا يادرولىق قارۋسىزدانۋ جانە بەيبىتشىلىك جولىندا ەڭبەك سىڭىرگەن ادامدارعا حالىقارالىق سىيلىق تاعايىندالاتىنى تۋرالى حابارلاعان ەدى. جانە بۇل سىيلىقتىڭ ءوزىنىڭ باستاماسىمەن الداعى قاراشا ايىندا استانادا وتەتىن بەيبىتشىلىك ءسامميتى بارىسىندا تاپسىرىلاتىنىن دا اتاپ كورسەتكەن بولاتىن.

ءسويتىپ، ەلباسى نۇرسۇلتان نازارباەۆ يادرولىق قارۋسىز الەم جانە جاھاندىق قاۋىپسىزدىك ءۇشىن دەپ اتالاتىن حالىقارالىق سىيلىق تاعايىندادى. قازاقستان پرەزيدەنتى اتالعان العاشقى سىيلىقتى  يوردانيا كورولى ابداللا II-گە بەرۋ تۋرالى شەشىم قابىلداعانىن جاريا ەتتى. بۇل حالىقارالىق سىيلىق وعان يادرولىق قارۋسىز الەم قۇرۋعا قوسقان ۇلەسى ءۇشىن بەرىلگەلى وتىر.

قازاقستان حالقى اسسامبلەياسى بۇل باستامانى ءبىراۋىزدان قولدايتىندىقتارىن بىلدىرۋدە.

---

قازاقستاننىڭ ورىس، سلاۆيان جانە كازاك  ۇيىم­دارى قاۋىمداستىعى مەملەكەت باس­شىسى نۇرسۇلتان نازارباەۆتىڭ قا­زاقستان پرەزيدەنتىنىڭ يادرولىق قارۋ­سىز الەم جانە جاھاندىق قاۋىپسىزدىك ءۇشىن سىيلىعىن يوردانيا كورولى ءىى ابداللاعا تاعايىنداۋ تۋرالى شەشىمىنە تولىق قولداۋ بىلدىرەدى.

وسى سىيلىقتى تاعايىنداۋ  ەلبا­سى­نىڭ پلانەتانى يادرولىق قارۋدان ازات ەتۋ جونىندەگى وراسان جۇمىسىنىڭ جالعاسى بولىپ وتىر.

سەمەي يادرولىق پوليگونىن جابۋ، ياد­رولىق قارۋدان ەرىكتى تۇردە باس تارتۋ ادام­زاتتىڭ حالىق­ارالىق ساياساتتاعى جاڭا بيىك مورالدىق ستاندارتىنا اينالدى.

بىرىككەن ۇلتتار ۇيىمى باس اسسام­ب­لەياسى قازاق­ستاننىڭ 29 تامىزدى يادرو­لىق سىناقتارعا قارسى حالىقارالىق ءىس-قيمىل كۇنى دەپ جاريالاۋ جونىندەگى باستاماسىن قولدادى.

2015 جىلى بۇۇ باس اسسامبلەياسىنىڭ 70-ءشى مەرەي­تويلىق سەسسياسىندا نۇر­سۇل­تان ءابىشۇلى نازارباەۆ جاھاندىق سترا­تەگيالىق باستاما – 2045 جوس­پارىن ءازىر­لەۋدى ۇسىندى، سونىڭ اياسىندا بۇۇ-نىڭ يادرولىق قارۋدان ازات الەمگە قول جەتكىزۋ ءجونىن­دەگى جالپىعا ورتاق دەكلاراتسياسىن قابىلداۋ ۇسىنىلدى.

قازاقستان پرەزيدەنتىنىڭ پلانەتادا ءادىل ءارى قاۋىپسىز الەم قۇرىلىمىن قا­لىپ­­تاستىرۋعا باعىتتالعان «الەم. ءححى عا­سىر» مانيفەسى كەڭ اۋقىمدى حالىقارالىق رەزونانسقا يە بولدى.

قازاقستان وسى سىيلىقتىڭ تولىق قۇ­قىلى قۇرىلتايشىسى، ال ونى تاعايىنداۋ ادامداردىڭ ءححى عاسىردا قاۋىپسىز  جانە  ءادىل الەم ءتارتىبىن ورناتۋعا دەگەن تالپىنىسىن جاھاندىق ىنتالاندىرۋ بولادى.

جاھاندىق بەيبىتشىلىك جانە قاۋىپ­سىزدىك ءجونىن­دەگى جاڭا ارناۋلى سىيلىق تاعايىنداۋ ماسەلەسى وتە وزەكتى.

ءبىزدىڭ ءبارىمىز الەمدە نە بولىپ جات­قانىنىڭ كۋاسىمىز. ءبىزدىڭ ەلباسى  2016 جىلعى 29 تامىزداعى «يادرولىق قارۋسىز الەم قۇرۋ» اتتى كونفەرەنتسيادا جاساعان بايان­داماسىندا يادرولىق قارۋلانۋ جارىسىنىڭ سالدارىن ايقىنداپ بەردى. پلانەتانىڭ بولاشاعىنا الاڭدايتىن ادام رەتىندە بۇل زۇلىمدىق ەشكىمگە پايدا اكەلمەيتىنىن ايتتى. مۇنداي اۋقىمداعى ءىس-شارا الەمنىڭ بارلىق الاڭدارىندا ءوتۋى ءتيىس دەپ ەسەپتەيمىز.

سىيلىق جىل سايىن 29 تامىزدا، يادرولىق سىناقتارعا قارسى ءىس-قيمىلدىڭ حالىقارالىق كۇنى تاپسىرىلاتىن بولادى. جانە دە قازاقستان نۇرسۇلتان نازار­باەۆ­تىڭ باسشىلىعىمەن جاھاندىق قوعام­داستىقتى كەلىسىمگە جانە يادرولىق قارۋ­سىز الەم قۇرۋعا شاقىراتىنىنا اسا قۋانىشتى.

2016 جىلى 29 تامىزدا استانا قالا­سىندا پرەزيدەنت ن.نازارباەۆ  جاريالاعان بەي­بىت باستامالارعا، بەيبىتشىلىك سىيلى­عىن تاعايىنداۋعا قولداۋ رەتىندە قازاق­ستان حالقى اسسامبلەياسىنىڭ انالار كەڭە­سىنىڭ جانە ەلوردا جۇرتشىلىعىنىڭ قاتى­سۋىمەن «اق ورامال» اكتسيا-ميتينگى ءوتتى.

پلانەتانىڭ بارشا انالارى ءۇشىن بۇل قادام بالالار قاۋىپسىزدىگىنىڭ كەپىلى بولىپ سانالادى، بۇل بارلىق الەمدىك كوشباسشىلار ءۇشىن ۇلگى بولۋى ءتيىس.

اقمولا وبلىسى قازاقستان

حالقى اسسامبلەياسىنىڭ انالار كەڭەسى

* * *

قازاقستان يادروسىز الەم قۇرىلىسى سياقتى ىزگى قوزعالىستىڭ ءاردايىم كوش با­سىندا تۇردى. مەملەكەت باسشىسى اتاپ ءوت­كەندەي، الەمدەگى بارلىق حالىق پەن ەل­دەردىڭ كۇش-جىگەرىمەن شەشىلۋى ءتيىس يادرو­لىق قارۋ ماسەلەسىنەن وزگە جاھاندىق ماڭىز­دى ماسەلە جوق. قايشىلىق مىنادا: كە­زىندە وسى ىزگىلىككە قارسى قارۋدى جاسا­عاندار الەمنىڭ ەڭ جوعارى ماراپاتتارىن الدى.

ال پلانەتامىزدى جانە ونى قونىس­تان­عان ادامداردى اپاتتان قورعاۋعا ۇمتى­لىپ جۇرگەن، بەيبىتشىلىك پەن ادىلدىك ءۇشىن كۇرەسۋشىلەر، سونىڭ ءبىرى نۇرسۇل­تان ءابىشۇلى نازارباەۆ، ءالى كۇنگە دەيىن حا­لىق­ارالىق ۇيىمدار تاراپىنان لايىقتى ناگرادا العان جوق.

بيىل سىيلىق لاۋرەاتى يوردانيا كو­رولى ابداللا ءىى يبن-حۋسەين بولدى.

مەن ادامزاتتىڭ ىلگەرىشىل بولىگى ءبىز­دىڭ ءداۋىرىمىزدىڭ ۇلى گۋمانيسىنە، قازاق­ستان­نىڭ تۇڭعىش پرەزيدەنتى نۇرسۇلتان نازار­باەۆقا العىس بىلدىرەتىنىنە سەنىم­دىمىن.

زياتدين كاسانوۆ،

قازاقستان حالقى اسسامبلەياسى
كەڭەسىنىڭ مۇشەسى

* * *

شىنتۋايتىندا، الەمدە بىردە-ءبىر ەل، ءبىر­دە-ءبىر ساياسي كوشباسشى ادامزاتتى وسى ءبىر ادامشىلىققا جاتپايتىن جويعىش قۇرالمەن تۇبەگەيلى جويۋدان ساقتاۋ ءۇشىن يادرولىق قارۋعا تىيىم سالۋ ىسىنە وسىنشا كۇش-جىگەر جۇمساعان ەمەس.

پرەزيدەنت نازارباەۆ ەندى يادرولىق قارۋسىز­دا­نۋعا جانە قاۋىپسىزدىككە قوس­قان ۇلەسى ءۇشىن جاڭا ارناۋلى سىيلىق تاعاي­ىن­داۋ تۋرالى شەشىم قابىل­دادى، سونداي-اق ونىڭ يوردانيا كورولىنە بەرىلەتىنىن جاريالادى.

ابداللا ءىى – كۇمانسىز لايىقتى تاڭ­داۋ. قازاق­ستان­نىڭ دوسى، مەملەكەتتىك قاي­رات­كەر، ونىڭ ەلى قاقتى­عىستار بەلەڭ الىپ جات­قان تاياۋ شىعىستاعى تۇ­راقتىلىقتىڭ ارالى بولىپ وتىر. سوندىقتان، وسى حا­لىق­ارالىق سىيلىقتى تاعايىنداۋ قازاق­ستاننىڭ تاياۋ شىعىستى رەتتەۋگە قوسقان ۇلەسى بولىپ سانالادى.

ءبىز، «باربانگ»  قازاقستان كۇردتەرىنىڭ قاۋ­ىم­داستىعى» بىتىمگەر، گۋمانيست، پلانە­تار­لىق دەڭگەيدە ويلايتىن ادامنىڭ –  ەلباسىمىزدىڭ باستاماسىن قولدايمىز.

كنياز ميرزوەۆ،

قازاقستان حالقى اسسامبلەياسىنىڭ «باربانگ»  قازاقستان كۇردتەرىنىڭ قاۋىمداستىعى» ەتنومادەني بىرلەستىگى، قحا عىلىمي ساراپشىلىق كەڭەسىنىڭ مۇشەسى

* * *

مەملەكەت باسشىسىنىڭ بەيبىتشىلىك سىي­لىعىن تاعايىنداۋ تۋرالى شەشى­مىن بىزدەر، قازاقستان كورەيلەرى قاۋىمداس­تى­عىنىڭ مۇشەلەرى زور ريزاشىلىقپەن قابىلدادىق.

وسىنداي بىرەگەي سىيلىق پەن ماراپاتتاردى تاعايىنداۋعا الەمدىك قوعامداستىق مويىنداعان، بەيبىتشىلىك پەن كەلىسىم يدەيا­سىن ادامزاتتىڭ ەڭ جوعارعى قۇندىلىعى سانايتىن ساياسي كوشباسشىلاردىڭ عانا مورالدىق قۇقىعى بار.

تاۋەلسىزدىكتىڭ 25 جىلدىعىندا ەلى­مىز­دىڭ بۇۇ قاۋىپسىزدىك كەڭەسىنىڭ 2017-2018 جىلدارداعى تۇراق­تى ەمەس مۇشەلىگىنە سايلانۋى ۇلتتىق قاۋىپسىزدىكتى نىعايتۋداعى جانە قازاقستاننىڭ جالپى الەمدىك جانە وڭىرلىك پروبلەمالاردى شەشۋگە جاھاندىق قاتىسۋىنداعى ماڭىزدى تاريحي جەتىستىگى بولدى.

ءبىزدىڭ پرەزيدەنتىمىز نۇرسۇلتان نازار­باەۆ ايت­قانداي، قازاقستاننىڭ بۇۇ قاۋىپ­سىزدىك كەڭە­سىندەگى باس­تامالارى يادرولىق قارۋدان جانە سوعىستار مەن قاق­تىعىستار ۆيرۋسىنان ازات الەم قۇرۋعا باعىت­تالادى.

ءبىز ەلىمىز تاعايىنداعان بەيبىتشىلىك سىيلىعى بەيبىتشىلىك پەن قاۋىپسىزدىك ءۇشىن قوعامدىق جانە ساياسي كوشباسشىلاردىڭ كۇش-جىگەرىن توپتاستىرۋعا ىقپال ەتەتىنىنە نىق سەنىمدىمىز.

رومان كيم،

پارلامەنت ءماجىلىسىنىڭ دەپۋتاتى، قازاقستان كورەيلەرى قاۋىمداستىعىنىڭ باسشىسى

* * *

ءبىزدىڭ ەل – بەيبىتشىلىك پەن كەلىسىمنىڭ ۇلكەن حالىقارالىق ءۇيى.

مۇنى جاھاندىق بەيبىتشىلىك جانە قاۋىپسىزدىك ءۇشىن ارناۋلى سىيلىعىن يور­دانيا حاشيميتتىك كورولدىگىنىڭ كورو­لى ابداللا ءىى يبن-حۋسەينگە تاعايىنداۋ تۋرالى شەشىم تاعى دا ايعاقتاپ وتىر.

تەرروريزم، ەكسترەميزم، راديكاليزم قاۋپى ۇلعايىپ جاتقان كەزدە الەم سىن-قاتەرلەرگە رۋحاني باستاۋدىڭ تۇتاستىعى، بەيبىتسۇيگىشتىك جانە قوعامدىق ىنتىماق ارقىلى عانا قارسى تۇرا الادى.

قازاقستان رەسپۋبليكاسى ساياساتىنىڭ تاۋەل­سىزد­ىكتىڭ 25 جىلىندا جەتكەن باس­تى تابىستارىنىڭ ءبىرى ن.نازارباەۆتىڭ ەسىمىمەن بايلانىستى ءارى بەي­بىتشىلىك پەن كەلىسىم ساياساتىنىڭ حالىقارالىق ەتالو­نى رەتىندە تانىلعان قوعامدىق كەلىسىم مەن جال­پىۇلتتىق بىرلىكتىڭ قازاقستاندىق ۇلگىسىن جاسا­عانى بولىپ سانالادى.

ءبىز مەملەكەت باسشىسىنىڭ قازاقستان حالقىنىڭ تاريحىن، مادەنيەتى مەن ءداس­تۇر­لەرىن ساقتاي وتىرىپ، تاتۋلىق پەن كەلى­سىمدە ءومىر سۇرۋگە، ورتاق بولاشاق قالىپ­تاس­تىرۋعا ۇمتىلۋ ساياساتىن قولدايمىز.

 الەكساندر دەدەرەر،

«ۆوزروجدەنيە» قازاقستان نەمىستەرى قوعامدىق بىرلەستىكتەرى قاۋىمداستىعىنىڭ توراعاسى

* * *

تۋرا 25 جىل بۇرىن، 1991 جىلعى 29 تامىزدا قا­زاق­ستاندا سەمەي يادرولىق سىناق پوليگونى جابىلدى.

ول «نەۆادا-سەمەي» انتيادرولىق قو­زعالىسىنا قاتىسۋشىلاردىڭ بەلسەن­دىلىگىنىڭ، بۇكىل ەل حال­قى­نىڭ – شاحتەرلەر مەن مەتاللۋرگتەردىڭ، مۇعالىم­دەر مەن دارىگەرلەردىڭ، ۇلان-عايىر وتا­نىمىزدىڭ قالا­لارى مەن اۋىلدارى تۇرعىن­دارىنىڭ قولداۋىنىڭ ارقاسىندا جابىلدى.

قازاقستاندىقتاردىڭ انتيادرولىق يممۋنيتەتى تاۋەلسىزدىك العاننان كەيىن دە كورىنىس تاپتى.

قازاقستان رەسپۋبليكاسى وزىنە مۇرا بولىپ قال­عان وراسان يادرولىق ارسەنالدان باس تارتىپ، ءبۇ­كىل الەمگە بەيبىتسۇيگىشتىك بول­مىسىن جانە سىرت­قى سايا­ساتتا يادرولىق بوپ­سالاۋ ءتاسىلىنىڭ قيسىن­سىزدىعىن كورسەتتى.

مەملەكەت باسشىسى ن.نازارباەۆ ءجۇر­گىزگەن ياد­رولىق قاتەردى تومەندەتۋگە جانە قاۋىپسىز الەمدى قام­تا­ماسىز ەتۋگە با­عىتتالعان جۇيەلى ساياسات ەلى­مىزگە يادرولىق قارۋ تاراتپاۋ  قوزعالىسىنىڭ بەلسەن­دى جاقتاۋشىسى رەتىندە جوعارى حالىقارالىق بەدەل اپەردى.

ءبىز العاشقى لاۋرەاتى يوردانيا كورولى ابداللا ءىى بولعان يادرولىق قارۋسىز الەم جانە جاھاندىق قاۋىپسىزدىك ءۇشىن حالىقارالىق سىيلىعى ءبىزدىڭ ورتاق قاۋىپسىزدىگىمىزگە ناقتى ۇلەس قوسقانى ءۇشىن تاپسىرىلاتىن ەڭ بەدەلدى سىيلىقتاردىڭ بىرىنە اينالاتىنىنا سەنىمدىمىز.

ءبىز قازاقستان پرەزيدەنتى تاۋەلسىزدىكتىڭ 25 جىل­دىعىندا تاعايىنداعان وسى سىيلىعى بەيبىتشىلىك جونىندەگى نوبەل سىيلىعى، قىتايدىڭ «كونفۋتسي سىي­لىعى» سياقتى سىيلىقتارمەن ءبىر قاتاردا تۇراتىنىنا سەنىمدىمىز.

قازاقستان حالقى اسسامبلەياسى

عىلىمي-ساراپشىلىق كەڭەسىنىڭ مۇشەلەرى

* * *

XXI عاسىردا بالالارىمىز مەن نەمەرە­لەرىمىزدىڭ بولاشاعى، وتكەن عاسىرلاردىڭ قاسىرەتتى قاتە­لىك­تەرىنە جول بەرمەۋ جانە الەمدى سوعىس قاتەرىنەن ماڭگىلىك ارىلتۋ ءۇشىن  ويلانىپ، بەيبىتشىلىك جولىندا كۇ­رە­سۋگە ابدەن بولادى.

ءبىز قازاقستان رەسپۋبليكاسىنىڭ پرە­زيدەنتى نۇرسۇلتان نازارباەۆتىڭ ءوز ەلى­مىزدە جانە بۇكىل الەمدە بەيبىتشىلىكتى نىعايتۋعا جانە ساقتاۋعا باعىت­تالعان سايا­ساتىن تولىقتاي قولدايمىز.

شاحيسمايل اسيەۆ, تۇرىكتىڭ الماتى قالاسىنداعى «احىسكا» بىرلەستىگى توراعاسىنىڭ ورىنباسارى

* * *

ۋكرايننىڭ الماتى قالاسىنداعى ەت­نومادەني بىرلەستىگى قازاقستان رەسپۋب­ليكاسى پرەزيدەنتىنىڭ يادرولىق قارۋسىز الەم جانە جاھاندىق قاۋىپسىزدىك ءۇشىن سىيلىعىن يوردانيا كورولى ابداللا II-گە ياد­رولىق قارۋسىز الەم قۇرۋعا قوسقان ۇلەسى ءۇشىن بەرۋ تۋرالى باستاماسىن قولدايدى.

ءبىز بەيبىتشىلىك ءۇشىن بەيبىت سىيلىقتى ناق قا­زاقستاننىڭ، ءبىزدىڭ كوشباس­شى­مىز­دىڭ تاعايىن­داعانىن ماقتان تۇتامىز.

ءبىز ادامزاتقا ءوزىمىزدىڭ بولاشاعىمىز ءۇشىن ۇلكەن جاۋاپكەرشىلىك جۇگىن ارقا­لاي­تىنىمىزدى ايعاقتاي وتىرىپ، الەمدىك قوعامداستىقتى ادامزاتتى ءولىم سەبەتىن سوعىس قاتەرىنەن ماڭگىلىككە بىرگە ارىلتۋعا شاقىرامىز.

تامارا اگاپوۆا، الماتى قالاسىنداعى ۋكراين ەتنومادەني بىرلەستىگىنىڭ ءتورايىمى

* * *

سەمەي يادرولىق سىناق پوليگونىن جاپ­قان جانە الەمدە العاش بولىپ اتوم قارۋى­نان باس تارتقان پرەزيدەنت نۇرسۇلتان نازار­باەۆ يادرولىق قارۋدى تاراتپاۋ رە­جىمىنىڭ كوشباسشىسى بولىپ تابىلادى.

يادرولىق قارۋسىز الەم جانە جاھاندىق قاۋىپ­سىزدىك ءۇشىن سىيلىعىن تاعايىنداۋ قازاقستان رەس­پۋب­ليكاسىنىڭ پرەزيدەنتى نۇر­سۇلتان نازارباەۆ­تىڭ بارلىق جاھان­دىق باستامالارىنىڭ قيسىندى جالعاسى بولىپ وتىر.

قازاقستان جانە مەملەكەت باسشىسى باستاما­لارىنىڭ ءمانى – بۇكىل ادامزاتتى اقىلعا جانە ىزگى نيەتكە شاقىرۋ.

 يۋري  تيموششەنكو،

پارلامەنت ماجىلىسىنە قازاقستان حالقى اسسامبلەياسىنان سايلانعان دەپۋتات، حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى

* * *

مەملەكەت باسشىسى نۇرسۇلتان نازار­باەۆ باستاماشىلىق تانىتقان «الەم. XXI عاسىر» مانيفەسى قازىرگى الەمدەگى ءومىر شىندىعىنا ناقتى دا شىنايى باعا بەرىپ قانا قويماي، بەيبىتشىلىك پەن قاۋىپسىزدىكتى قامتاماسىز ەتۋدىڭ ماڭىزدى جانە قاجەتتى جاھاندىق قاعيداتتارىن ۇسىنادى.

ن.ءا.نازارباەۆتىڭ يادرولىق قارۋسىز الەم جانە جاھاندىق قاۋىپسىزدىك ءۇشىن سىيلىعىن تاعايىنداۋى قيسىندى ءارى ونىڭ سالماعى مەن بەدەلىن ارتتىرا تۇسەدى.

ارتۋش كاراپەتيان,

ارميانداردىڭ قازاقستان رەپسۋبليكاسىنداعى «نايري» مادەني بىرلەستىگى قاۋىمداستىعىنىڭ توراعاسى

* * *

يادرولىق قارۋسىز الەم جانە جاھاندىق قاۋىپسىزدىك ءۇشىن سىيلىعىنىڭ قازاقستان پرەزيدەنتى نۇرسۇلتان نازارباەۆتىڭ باستاماسى بويىنشا تاعايىندالۋىنىڭ تەرەڭ نىشاندىق ءمانى بار. ەندى بۇل سىي­لىق جىل سايىن سەمەي يادرولىق سىناق پو­ليگونى جابىلعان 29 تامىز – يادرولىق سى­ناق­تارعا قارسى ءىس-قيمىلدىڭ حالىقارالىق كۇنى تاپسىرىلاتىن بولادى.

مەملەكەت باسشىسىنىڭ سەمەي سىناق پوليگونىن جاۋىپ، اتوم قارۋىنان باس تار­تۋ تۋرالى تاريحي قادامى الەمدىك تۇراق­تى­لىققا، ءتارتىپ پەن قاۋىپسىزدىككە قوسىلعان سۇبەلى ۇلەس بولدى.

نۇرسۇلتان نازارباەۆتىڭ ساياسي ەرىك-جىگەرىنىڭ ارقاسىندا بىرىككەن ۇلت­تار ۇيىمىنىڭ باس اسسامبلەياسى قازاق­ستاننىڭ 29 تامىزدى يادرولىق سىناقتارعا قارسى ءىس-قيمىلدىڭ حالىقارالىق كۇنى دەپ جاريالاۋ تۋرالى باستاماسىنا قولداۋ كورسەتكەنىن ءبارىمىز دە جاقسى بىلەمىز.

ال يادرولىق قارۋسىز الەم جانە جا­ھاندىق قاۋىپسىزدىك ءۇشىن سىيلىعىنىڭ قازاقستان رەس­پۋبليكاسى تاۋەلسىزدىگىنىڭ 25 جىلدىعى جىلى تاعايىندالۋى بۇكىل ءدۇ­نيە جۇزىنە بارلىق حالىق­ارالىق قوعام­داستىق ءۇشىن سەنىمگە، بەيبىتشىلىك پەن كەلىسىمگە دەگەن بەلگى بولعانى انىق.

بۇل – يادرولىق قارۋسىزدانۋ ءۇشىن جانىن سالىپ كۇرەسىپ جۇرگەندەردىڭ بارىنە سالماقتى سىيلىق!

شايماردان نۇرىموۆ,

پارلامەنت ءماجىلىسىنىڭ دەپۋتاتى، قازاقستان ۇيعىرلارى رەسپۋبليكالىق ەتنومادەني بىرلەستىگىنىڭ جەتەكشىسى

* * *

مەملەكەتتەر اراسىنداعى بارلىق تالاس-تارتىستاردى رەتتەيتىن نەگىز بەيبىت ۇنقاتىسۋ مەن كونسترۋكتيۆتى كەلىسسوز بولۋى ءتيىس. بۇل قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ساياسي باعىتىنىڭ دۇرىستىعى مەن دايەك­تىلىگىن، ونىڭ بۇكىل الەمدەگى  بەيبىتشىلىك پەن تۇراقتىلىققا دەگەن سايا­سي ەرىك-جىگەرىن كەزەكتى مارتە ايعاقتايدى.

اتالعان ارنايى سىيلىقتىڭ يوردانيا حاشي­ميتتىك كورولدىگىنىڭ باسشىسى  ابداللا II يبن-حۋسەينگە تاپسىرىلۋى قازاقستاننىڭ تاياۋ شى­عىستى بەيبىت رەت­تەۋ ىسىندە ىنتىماعىن كورسەتەتىن دانا شەشىم بولىپ تابىلادى.

25 جىل بۇرىن قازاقستان الەمدە تۇڭ­عىش بولىپ سەمەي يادرولىق سىناق پوليگونىن جاپتى.

بەيبىتشىلىك پەن سوعىستىڭ قۇنىن ءاربىر بەلورۋس جاقسى بىلەدى. سوندىقتان مەن، قازاقستان ازاماتى رەتىندە، كوشباس­شى­مىزدىڭ بۇكىل الەمدە بەيبىتشىلىك قالىپ­تاستىرۋعا باعىتتالعان باستامالارىن تولىقتاي قولدايمىن.

بەيبىتشىلىك پەن قاۋىپسىزدىك جولىنداعى جاۋاپ­كەرشىلىكتى تولىقتاي سەزىنە وتىرىپ، قازاقستان حال­قى مەملەكەت باسشىسىنىڭ بەيبىتشىلىك پەن قاۋ­ىپ­سىز­دىككە باعىتتالعان بارلىق يدەيالارىن قولدايدى.

ەلىمىزدىڭ ءوز تاۋەلسىزدىگىنىڭ 25 جىل­دىعى جىلىن­دا بۇۇ قاۋىپسىزدىك كەڭەسىنە مۇشە بولىپ ساي­لانۋى كەزدەيسوق ەمەس.  بۇل – ءبىزدىڭ پرەزي­دەنتىمىز ساياساتىنىڭ مويىندالۋى، بۇل – قازاقستان حالقىنىڭ بەيبىتشىلىك ءۇشىن كۇرەستەگى جەڭىسى.

لەونيد پيتالەنكو,

قحا توراعاسىنىڭ ورىنباسارى، قازاقستان رەسپۋبليكاسىنداعى بەلورۋس ەتنومادەني بىرلەستىگىنىڭ جەتەكشىسى

* * *

بۇگىندە قازاقستان رەسپۋبليكاسى جا­ھاندىق انتيادرولىق قوزعالىس كوشباس­شى­لارىنىڭ ءبىرى بولىپ تابىلادى. بۇل جوعارى مارتەبەگە نەگىزىندە سانسىز يادرو­لىق سىناقتار، ونىڭ ىشىندە جەر بەتىن­دە ءجا­نە اۋەدە جاسالعان جارىلىستار وشاعىن جاپ­قان ەل­باسى نۇرسۇلتان نازارباەۆتىڭ قاعي­دات­­تى بەي­بىت­سۇيگىش ساياساتىنىڭ ارقاسىن­دا يە بولدىق. ال اجال سەپكەن پوليگون ءبىر­نەشە ونداعان جىلدار بويى تىنىم تاپقان جوق.

بۇل – اتوم رادياتسياسىنىڭ بارلىق سالدارىن باستارىنان وتكىزگەن سان مىڭداعان قازاقستاندىقتار ۇرپاعىنىڭ تاعدىرىمەن كەلگەن ساياسات. سوندىقتان بارشامىز قازاقستان رەسپۋبليكاسى پرەزيدەنتىنىڭ يادرولىق قارۋسىز الەم جانە جاھاندىق قاۋىپسىزدىك ءۇشىن سىيلىعىن تاعايىنداۋ تۋرالى باستاماسىن تولىقتاي قولدايمىز.

بۇل – قادام ءبىزدىڭ بۇكىل الەمدەگى بەيبىتشىلىك پەن قاۋىپسىزدىككە دەگەن ورتاق ۇستانىمىمىز جانە دە مەملەكەتىمىزدىڭ بەيبىتسۇيگىش سىرتقى ساياساتىنىڭ تاعى ءبىر جارقىن كورىنىسى بولىپ تابىلادى.

اقمولا وبلىستىق قازاقستان حالقى اسسامبلەياسى

* * *

قۇرمەتتى نۇرسۇلتان ءابىشۇلى!

العاشقى كۇنىنەن بەيبىت دامۋ جولىن تاڭ­داعان ەلى­مىزدىڭ جاھاندىق قاۋىپسىزدىك باس­تامالارى الەم­دىك قوعامداستىقتى مويىنداتۋدا.

ءسىزدىڭ تاۋەلسىزدىك تۇعىرىنداعى تۇڭ­عىش شەشىم­دەرىڭىزدىڭ ءبىرى – سەمەي ياد­رولىق پوليگونىن جابۋ جانە الەمدەگى ءتور­تىنشى يادرولىق ارسەنالدان ءوز ەركىمەن باس تارتۋ تۋرالى جارلىعىڭىز وتە ورىندى جانە ۋاقتىلى بولعان دەپ ەسەپتەيمىز.

ويتكەنى، كورەگەن قادامدارىڭىز بەن قاجىرلى ەڭبەگىڭىزدىڭ ارقاسىندا قازاقستان بەدەلدى مەملە­كەت­تەردىڭ ساناتىنا ەنىپ قانا قويماي، الەمنىڭ الپاۋىتتارىن وزىنە قاراتا ءبىلدى.

يادرولىق قارۋسىزدانۋ مەن جاھاندىق قاۋىپ­سىزدىككە قوسقان ۇلەسى ءۇشىن حالىق­ارالىق سىيلىق تاعايىنداعانىڭىز ەلى­مىزدىڭ حالىقارالىق ساياسي ارەناداعى يميد­جىن ودان ءارى ارتتىرۋعا سەپتىگىن تيگىزە­تىنىنە ەش كۇمانىمىز جوق.

قادىرمەندى ەلباسى! الەم تىنىش­تىعىنا قوسقان ۇلەسىڭىز ەلەنىپ، ەڭبەگىڭىز جانسىن دەپ تىلەيمىز!

حاسان ءشارىپوۆ،

استانا قالاسىنداعى وزبەك ەتنومادەني بىرلەستىگى توراعاسىنىڭ ورىنباسارى

* * *

قازاقستان – الەمگە بەيبىتشىلىك پەن دوستىقتىڭ التىن بەسىگى رەتىندە تانىلعان مەملەكەت. ەلىمىز سىرتقى ساياساتىندا الەم نازارىن جاھاندىق قاۋىپ­سىزدىك پەن بەيبىتشىلىك ماسەلەلەرىنە اۋدارىپ كەلەدى. ەلباسىنىڭ ايماقتىق جانە الەمدىك ماسە­لەلەرگە قاتىستى بەيبىت باستامالارى ۇنەمى حالىقارالىق قوعامداستىق الدىندا قولداۋ تاۋىپ، ءوز ناتيجەلەرىن بەرۋدە.

بۇل ەلىمىزدىڭ بەدەلىن ارتتىرىپ، سەنىم­دى سەرىك­تەس رەتىندەگى الەۋەتىن ۇلعايتۋدا. بۇعان قازاق­ستان­نىڭ 2017-2018 جىلدارعا بىرىككەن ۇلتتار ۇيىمى قا­ۋ­ىپ­سىزدىك كە­ڭەسىنىڭ مۇشەسى بولىپ سايلانۋى دالەل.

ەلباسى ن.نازارباەۆ استانا قالا­سىندا وتكەن «يادرولىق قارۋدان ازات الەم قۇرۋ» اتتى حالىقارالىق كونفەرەنتسيادا جاھان­دىق بەيبىتشىلىك پەن قاۋىپسىزدىك بويىنشا ارنايى سىيلىق تاعايىنداۋ تۋرالى باستاما كوتەرگەن بولاتىن. ەلباسىنىڭ بەيبىتشىلىكتى ساقتاۋداعى يگى باستاماسى قازاقستان رەسپۋبليكاسى تاۋەلسىزدىگىنىڭ 25 جىلدىعىمەن جانە الەمدەگى ەڭ ءىرى سەمەي يادرولىق سىناق پوليگونىنىڭ جابىلۋىمەن تۇسپا-تۇس كەلدى.

بۇگىن يوردانيا كورولى ابداللا II يبن-حۋسەينگە ۇسىنىلىپ وتىرعان حا­لىق­ارالىق سىيلىق – قازاقستاننىڭ ءدۇ­نيە ءجۇزى الدىنداعى باتىل دا بەيبىت ۇستانىمىنىڭ ايعاعى.

قازاقستان – اتوم بومباسىنان تىكەلەي زارداپ شەككەن جانە يادرولىق ارسەنالىنان ءوز ەركىمەن باس تارتقان الەمدەگى بىردەن-ءبىر ەل. ولاي بولسا، پرە­زي­دەنت نۇرسۇلتان
نا­زار­باەۆ تاعايىنداعان بۇل سىي­لىق بارشا الەم الدىندا سالماقتى ورىن الاتىنى حاق.

ناتاليا جۇمادىلداەۆا، پارلامەنت ءماجىلىسىنىڭ دەپۋتاتى

* * *

يادرولىق قارۋسىز الەم جانە جاھان­دىق قاۋىپسىزدىك ءۇشىن سىيلىعىنىڭ تاعاي­ىندالۋى قازاقستان پرەزيدەنتى نۇرسۇلتان ءابىشۇلى نازارباەۆتىڭ كوپقىرلى بەي­بىت­سۇيگىش ساياساتىنداعى جاڭا قادام بولىپ تابىلادى.

بۇگىن، بۇكىل الەم جانجالدارمەن ءدۇر سىلكىنىپ، قاۋىپتى قۇزدىڭ شەتىندە قالت-قۇلت ەتىپ تۇرعان ساتتە پرەزيدەنتىمىزدىڭ ارنايى تاعايىندالعان سىيلىقتى يوردانيا كورولى ابداللا II يبن-حۋسەينگە بەرۋ تۋرالى شەشىم قابىلداۋى قازاقستاننىڭ بۇكىل جەر شارىنا جانجالداردى تەك بەيبىت قۇرالدارمەن شەشۋ باعىتىنان اينىمايتىندىعىن ايعاقتادى.

بۇل، ەكىنشى جاعىنان، الەم ەلدەرىنىڭ كوشباسشىلارىن ەشكىمنىڭ دە وسى اسا وتكىر حالىقارالىق ساياسات پروبلەماسىنان تىس قالۋى ءتيىس ەمەس ەكەندىگىنە ۇندەيدى. ءبىز «قاۋىپسىزدىك تابالدىرىعى» تومەندەپ، يادرولىق قاتەرگە قاراي كەزەكتى مارتە جىلجىپ بارا جاتقاندايمىز. ءسويتىپ، يادرولىق ريتوريكا تاعى دا حالىقارالىق لەكسيكوننان ورىن الا باستادى.

يادرولىق سوعىستا جەڭىمپازدىڭ بولمايتىنىن ەشقاشان ەستەن شىعارماعانىمىز ءجون. سوندىقتان، قازاقستان پرەزيدەنتىنىڭ يادرولىق قارۋسىز الەم جانە جاھاندىق قاۋىپسىزدىك ءۇشىن سىيلىعىن تاعايىنداۋى حالىقارالىق قوعامداستىققا جاۋاپ­كەرشىلىك، يادروسىز الەم قۇرۋ جولىندا كەزەكتى مارتە ەسكەرتۋ بولىپ تابىلادى.

نارينە ميكاەليان،

پارلامەنت ماجىلىسىنە قازاقستان حالقى اسسامبلەياسىنان سايلانعان  دەپۋتات

Abai.kz