بۇگىن وبلىس اكىمى جانسەيىت تۇيمەباەۆ شىمكەنت قالاسىنىڭ اكتيۆىمەن كەزدەسىپ، قالا əكىمى جəنە ونىڭ ورىنباسارلارىنىڭ بۇگىنگە دەيىن اتقارىلعان جۇمىستارىنىڭ ەسەبىن تىڭدادى.

بۇل تۋرالى "اباي اقپارات" پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

القالى كەزدەسۋدە قالا اكىمى ءوڭىر باسشىسىنا قالاعا قاراستى مەملەكەتتىك قۇرىلىمداردىڭ باسشىلارىن تانىستىرىپ، شىمكەنت قالاسىنىڭ 2020 جىلعا دەيىنگى بەس جىلدىق دامۋ تۇجىرىمداماسى جوباسىنداعى بىرقاتار ماسەلەلەر مەن جاڭا باستامالار تۋرالى باياندادى.

ءوز كەزەگىندە، ايماق باسشىسى وبلىستىڭ ءوسىپ، وركەندەۋى ارقاشان قالامەن تىعىز بايلانىستا ەكەنىن ايتىپ، شىمكەنتتىڭ əلەۋمەتتىك-ەكونوميكالىق دامۋى بويىنشا بىرقاتار ناقتى تاپسىرمالار بەردى.

سونىمەن قاتار، وبلىس əكىمى شىمكەنت شاھارى تۋريستىك ايماق بولىپ تابىلاتىندىقتان، قالانىڭ سىرت كەلبەتىنە ايرىقشا كوڭىل ءبولۋ قاجەتتىگىنە توقتالىپ، كوپقاباتتى تۇرعىن ۇيلەردىڭ قاسبەتى مەن بەي-بەرەكەت ورنالاسقان جارنامالىق بيدبوردتاردى رەتكە كەلتىرۋدى جۇكتەدى.

جيىندى قورىتىندىلاعان وبلىس əكىمى قالادا ءبىلىم، عىلىم، مادەنيەت سالالارى بويىنشا كوپتەگەن جۇمىستار جۇرگىزىلىپ جاتقانىن اتاپ ءوتىپ، ەلباسى نۇرسۇلتان ءابىشۇلىنىڭ شىمكەنتتى بولاشاق ءۇشىنشى مەگاپوليسكە اينالدىرۋ بويىنشا جۇكتەگەن مىندەتتەرىن əرمەن قاراي بىرلەسە جۇزەگە اسىرۋعا شاقىردى.

ايتا كەتەيىك،  قازاقستاننىڭ تۇركياداعى ەلشىسى قىزمەتىن اتقارعان جانسەيىت قانسەيىتۇلى تۇيمەباەۆ وڭتۇستىك قازاقستان وبلىسىنا اكىم بولىپ تاعايىندالدى. بۇعان دەيىن وڭتۇستىك ءوڭىردىڭ تىزگىنىن بەيبىت باكىرۇلى اتامقۇلوۆ ۇستاعان بولاتىن.

وقو اكىمىنىڭ ءباسپاسوز قىزمەتى