كەلەسى جىلى «سايرام-وگەم مەملەكەتتىك ۇلتتىق تابيعي پاركى» رمم اۋماعىندا «ەكو كەمپينگ» جوباسىنىڭ قۇرىلىسى باستالماق. بۇل جايلى وڭتۇستىك قازاقستان وبلىسىندا وتكەن «Ontustik Tourism-2016» حالىقارالىق تۋريستىك فورۋمى بارىسىندا ءمالىم بولدى. حالىققا قول جەتىمدى باعادا ۇسىنىلاتىن شاتىرلى قالاشىق تۋريستكە قاجەتتى بارلىق جابدىقتارمەن قامتىلاتىن بولادى. تاعى ءبىر ايتا كەتەتىن جايت، مۇنداعى جارىقتاندىرۋ كۇن باتارەيالارى ەسەبىنەن جۇزەگە اسادى. وڭتۇستىكتىڭ تۋريستىك الەۋەتى مەن تاۋ ءتۋريزمىن جانە ءالپينيزمدى دامىتۋ ماقساتىندا قولعا الىنعان جوبانى «سايرام-وگەم مەملەكەتتىك ۇلتتىق تابيعي پاركى» رمم مەن «Ontustik» الپينيزم فەدەراتسياسى بىرلەسە ىسكە اسىرماق. سونىمەن قاتار، تۋريستىك فورۋمدا بىرقاتار شەتەلدىك كومپانيالارمەن بىرلەسكەن جوبالاردى جۇزەگە اسىرۋ ماقساتىندا 7 مەموراندۋمعا قول قويىلدى.

سارىاعاشتا جاڭا كۋرورت قالاشىعىن سالۋ، تۋريزم مەكتەبىن قۇرۋ جəنە حالىقارالىق ءاۆتودəلىز جولىنىڭ بويىندا قىزمەت كورسەتەتىن بىرقاتار نىسانداردى سالۋ جوبالارى قاراستىرىلدى. سونداي-اق، شارا بارىسىندا وڭىرگە ينۆەستيتسيا تارتۋ باعىتىندا بىرقاتار كەلىسىمدەر جاسالدى.

300-دەن استام قازاقستاندىق جانە شەتەلدىك قوناقتار قاتىسقان «Ontustik Tourism-2016» تۋريستىك فورۋمى تۋريزم سالاسىنداعى وڭىرارالىق جانە حالىقارالىق سەرىكتەستىكتەردى دامىتۋعا جانە ىسكەرلىك قاتىناستاردى ورناتۋعا مۇمكىندىك بەرەدى.

Abai.kz