«قازاقستاننىڭ بولاشاعى-قازاق تىلىندە»

جوباسى بويىنشا وتكىزىلگەن ءىس-شارالاردى

قورىتىندىلاۋ جونىندەگى بريفينگتىڭ

ءباسپاسوز پاراعى

 وتكىزىلەتىن ورنى:                                                          وتكىزىلەتىن ۋاقىتى:                                 استانا قالاسى                                                                2016 جىلعى 13 قازان

«ديپلومات» قوناق ءۇيى                                                      ساع.: 15.00

سانكت-پەتەربۋرگ زالى           

          قازاقستان رەسپۋبليكاسى مادەنيەت جانە سپورت مينيسترلىگى
تىلدەردى دامىتۋ جانە قوعامدىق-ساياسي جۇمىس كوميتەتى قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى
2014-2016 جىلدارعا ارنالعان ءىسشارالار جوسپارىنىڭ 17-تارماعىنا سايكەس استانا قالاسىندا ءورىستىلدى ازاماتتارعا ارنالعان  "قازاقستاننىڭ بولاشاعى – قازاق تىلىندە" اتتى  مەملەكەتتىك ءتىلدى ناسيحاتتاۋ شاراسىن وتكىزەدى.

           شارانىڭ ماقساتى – ءورىستىلدى ازاماتتار اراسىندا قازاق ءتىلىنىڭ مەملەكەتتىك ءتىل رەتىندەگى مارتەبەسىن كوتەرىپ، قازاقستاندا تۇراتىن ەتنوس وكىلدەرىنىڭ بىرلىگى مەن ىنتىماعىنىڭ كەپىلى رەتىندە، قازاقستاندىق  جاس ۇرپاقتىڭ پاتريوتتىق تاربيەسى،  عىلىم-ءبىلىم، جاڭا تەحنولوگيا سالاسىنداعى جەتىستىكتەرى  جايىندا ءسوز قوزعاۋ، پىكىر الماسۋ.

           جۇمىس توبىنىڭ قۇرامىندا بەلگىلى ساياساتكەرلەر،  قوعام قايراتكەرلەرى، عالىمدار جانە جەرگىلىكتى اتقارۋشى ورگانداردىڭ وكىلدەرى بولادى. شاراعا رەسپۋبليكالىق «ۇلت تاعدىرى» قوزعالىسىنىڭ توراعاسى، ساياساتتانۋشى، قوعام قايراتكەرى دوس كوشىم, ساياساتتانۋشى راسۋل جۇمالى, ساياساتتانۋشى ايدوس سارىم, قوعام جانە مەملەكەت قايراتكەرى ورازكۇل اسانعازى, قازاق گۋمانيتارلىق زاڭ ۋنيۆەرسيتەتىنىڭ پروفەسسورى،  ساياسي عىلىمدار دوكتورى، قوعام جانە مەملەكەت قايراتكەرى ابدىجالەل باكىر, استانا مەديتسينا ۋنيۆەرسيتەتىنىڭ پروفەسسورى،  مەديتسينا عىلىمىنىڭ دوكتورى احمەتوۆ مۇحامەديا, استانا قالاسى تىلدەردى دامىتۋ باسقارماسىنىڭ باسشىسى قىشقاشباەۆ تىلەۋعالي اشىربەكۇلى  قاتىسادى.

شارا ۇستىمىزدەگى جىلدىڭ 11-13  قازان ارالىعىندا  وتەدى.

اتالعان  جوبا «حالىققا قىزمەت كورسەتۋ ورتالىعى»، قر بانكتەرى، قازاقستان تەمىرجول ۆوكزالى، استانا حالىقارالىق  اۋەجايى، استانا قالاسىنىڭ جول پوليتسياسى، استانا قالاسىنداعى ەتنو-مادەني ورتالىقتار قىزمەتكەرلەرىن قامتيدى.        

"قازاقستاننىڭ بولاشاعى – قازاق تىلىندە" جوباسى بويىنشا جۇرگىزىلگەن جۇمىستاردى قورىتىندىلاۋ ماقساتىندا 2016 جىلعى  13 قازان كۇنى ساعات 15.00-دە  «ديپلومات» قوناق ءۇيىنىڭ سانكت-پەتەربۋرگ زالىندا       (د. قوناەۆ كوشەسى، 29/1) باق وكىلدەرىمەن بيريفينگ وتكىزىلەدى. بريفينگكە جوعارىدا اتالعان جۇمىس توبىنىڭ مۇشەلەرىمەن بىرگە قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ باسقارما باسشىسى يساقوۆا تولقىن جولدىبايقىزى استانا قالاسى تىلدەردى دامىتۋ باسقارماسىنىڭ باسشىسى قىشقاشباەۆ تىلەۋعالي اشىربەكۇلى قاتىسادى.      

 بايلانىس تەلەفوندارى: 8 (7172) 40-83-97

Abai.kz