وڭتۇستىك قازاقستان وبلىسى، تۇركىستان قالاسىنا قاراستى ورانعاي اۋىلىندا «ياسسى قۇس» شارۋا قوجالىعى سوڭعى ۇلگىدەگى تەحنولوگيالارمەن جابدىقتالعان قۇس شارۋاشىلىعىن دامىتۋدى قولعا الا باستادى.  بۇل تۋرالى «اباي اقپارات» پورتالى قالا اكىمىنىڭ ينتەرنەت رەسۋرسىنا سىلتەمە جاساي وتىرىپ حابارلايدى.

نەگىزىنەن، تاۋىق ەتى مەن جۇمىرتقا ءوندىرۋدى كوزدەگەن كاسىپكەر العاشقى قادامىنىڭ ءساتتى باستالىپ وتىرعانىن ايتىپ وتىر. ويتكەنى، وندىرىلگەن جۇمىرتقا مەن تاۋىق ەتى بۇگىنگى تاڭدا جەرگىلىكتى نارىقتا جوعارى سۇرانىسقا يە بولىپ ۇلگەرگەن.

«ياسسى قۇس» شارۋا قوجالىعىنىڭ اشىلعانىنا نەبارى التى اي. مۇندا 50 مىڭعا جۋىق تاۋىق باعىلادى. «لومان لس كلاسسيك» تاۋىعى مەن «برويلەر» بالاپاندارىن ءوسىرۋدى قولعا العان كاسىپورىن زاماناۋي قۇرىلعىلارمەن جابدىقتالعان.

اتالمىش شارۋا قوجالىعىنىڭ تەحنولوگى ح.مينكابيلوۆتىڭ ايتۋىنشا 6 ايعا جۋىق ۋاقىت بۇرىن تاۋلىكتىك بالاپاندار ساتىپ الىنىپ، قازىر ولاردان بالعىن جۇمىرتقا الىنىپ وتىر. ياعني، اقپان ايىندا ءوز جۇمىسىن باستاعان شارۋاشىلىقتان بۇگىندە تاۋلىگىنە 5 مىڭعا جۋىق جۇمىرتقا الىنۋدا. الداعى 50-60 كۇندە مۇنداعى جۇمىرتقاعا باعىتتالعان 21 مىڭ تاۋىقتان وسىنشا كولەمدە جۇمىرتقا الۋ مەجەلەنىپ وتىر.

ايتا كەتەرلىگى، تاۋىقتاردىڭ كۇتىمى ايرىقشا. جەم-سۋ رەتىندە كۇنىنە 4 رەت وتاندىق ونىمدەردەن ازىرلەنگەن قۇراماجەمدەر بەرىلەدى. قۇستار جابىق رەجيمدە ۇستالادى.

ال بالاپان كەزىنەن باستاپ باس-اياعى 40 كۇن ىشىندە 3 كەلىگە دەيىن ەت بەرەتىن «برويلەر» تاۋىعىنىڭ ءونىمى الداعى ۋاقىتتا وڭىرگە وزگە ەلدەن ەكسپورتتالاتىن تاۋىق ەتتەرىنىڭ ورنىن الماستىرماق. 

اباي اقپارات