بۇگىن وڭتۇستىك قازاقستاندا ءشامشى قالداياقوۆ اتىنداعى «ارىس جاعاسىندا» VII رەترو-فەستيۆالىندە VII ءشامشى قالداياقوۆ اتىنداعى «مەنىڭ قازاقستانىم» حالىقارالىق ءان بايقاۋىنىڭ جەڭىمپازدارىن ماراپاتتاۋ سالتاناتتى شاراسى ءوتتى. وبلىس اكىمى ج.تۇيمەباەۆ قاتىسقان شارادا ايماق باسشىسى جەڭىمپازداردى ماراپاتتاپ، ولارعا سىي-سياپات جاسادى.

سونىمەن، VII ءشامشى قالداياقوۆ اتىنداعى «مەنىڭ قازاقستانىم» حالىقارالىق ءان بايقاۋىنىڭ جەڭىمپازدارىن اتاساق، ونەر جارىسىنىڭ باس جۇلدەسىن قىزىلوردالىق نازىم ساعىنتاي جەڭىپ الدى.

ءى ورىنعا وڭتۇستىك قازاقستان وبلىسىنىڭ نامىسىن قورعاعان ديانا حاشيمجانوۆا يە بولسا، ءىى ورىن الماتىلىق تىلەكباي ناعىمباەۆ پەن استانالىق ەركەبۇلان تۇرماعامبەتوۆكە بۇيىردى. ال جۇلدەلى ءىىى ورىنعا استانالىق جالعاس سۇلتانوۆ پەن مارات ايتىمباي جانە لاۋرا ايتباەۆالار (قاراعاندى) لايىقتى دەپ تانىلدى.

سونداي-اق، سالتاناتتى شارادا وبلىس اكىمىنىڭ ارنايى جۇلدەسىمەن قىتاي حالىق رەسپۋبليكاسىنان كەلگەن اسىلحان ءداستۇر ماراپاتتالسا، ارنايى ديپلوم قىرعىزستاندىق بينازيرا ابلاەۆاعا تابىستالدى.

ايتا كەتۋ كەرەك، حالىقارالىق "مەنىڭ قازاقستانىم" ءان بايقاۋى وڭتۇستىك قازاقستاندى تۇڭعىش رەت وتكىزىلىپ وتىرعان جوق. وسىعان دەيىن دە ءشامشى قالداياقوۆ اتىنداعى ءتۇرلى كونكۋرستار ۇيىمداستىرىلىپ كەلەدى.  وڭتۇستىك اسپانىن انمەن اۋەلەگەن بۇل بايقاۋدىڭ جەڭىمپازدارى تاۋەلسىزدىكتىڭ 25 جىلدىعىن قۇتتىقتادى. 

وقو اكىمىنىڭ ءباسپاسوز قىزمەتى