الماتى مەتروسىنىڭ جاڭا تارماقتارى بولاشاقتا قالاي قاراي سالىناتىنى بەلگىلى بولدى. بۇل جونىندە «مەتروپوليتەن» ديرەكتورى نۇرلان مۇقانوۆ Tengrinews.kz پورتالىنا حابارلاعان.

ونىڭ ايتۋىنشا، الماتى مەتروسىنىڭ جاڭا جولدارىن قالانىڭ سولتۇستىك جاعىنا قاراي سالۋ جوسپاردا بار. قازىر مەتروپوليتەندى دامىتۋدىڭ كەشەندى جوسپارى جاسالىپ جاتىر. وعان سايكەس، رايىمبەك جانە فۋرمانوۆ كوشەلەرى قيىلىسقان جەردەگى رايىمبەك باتىر ستانساسىنان الماتى-1 ۆوكزالىنا، ودان ءارى پەرۆوماي اۋىلىنا قاراي مەترو جولىن تارتۋ كوزدەلگەن.

«التىن وردا» جانىنداعى جولدىڭ قاشان كەڭەيەتىنى بەلگىلى بولدى

اۆتوكولىك تىركەۋ وڭايلادى. ول قالاي؟

«پەرسپەكتيۆادا وسى باعىت تۇر. بىزدە كولىك جانە كوممۋنيكاتسيالار عىلىمي زەرتتەۋ ينستيتۋتى بار. ول قالاداعى كولىك قوزعالىسى، جولاۋشىلار اعىنى تۋرالى بولجامدار جاسايدى. ينستيتۋت ماماندارى سولتۇستىك باعىتقا باسىمدىق بەرىپ وتىر» دەيدى مۇقانوۆ.

پەرۆوماي اۋىلىنا جالپى ۇزىندىعى 12 كيلومەتر مەترو جولى، 9 ستانسا سالىنباق.

سونىمەن قاتار تولە بي كوشەسى بويىمەن، جانە روزىباكيەۆپەن سولتۇستىك اينالىمعا قاراي مەترو سالىنۋى مۇمكىن.

قازىر الماتىدا ەكى مەترو ستانساسى سالىنىپ جاتىر. ولار – «سارىارقا» جانە «دوستىق». جوسپار بويىنشا بۇل ەكى ستانسا 2018 جىلى ءبىتۋى ءتيىس.

بۇدان باسقا باتىسقا قاراي «قالقامان» ستانساسىن سالۋدىڭ تەحنيكالىق-ەكونوميكالىق نەگىزدەمەسى جاسالعان. ولاردىڭ قۇرىلىسى شامامەن 2020 جىلى اياقتالادى.

اباي-اقپارات