"استانا ەكسپو-2017" ۇلتتىق كومپانياسى باسقارماسى توراعاسىنىڭ ورىنباسارى ەربول شورمانوۆتىڭ حابارلاۋىنشا، قازاقستاندا وتەتىن "ەكسپو-2017" حالىقارالىق كورمەسىنىڭ 500 مىڭ بيلەتى قىتايلىق تۋريستەرگە ساتىلماق ەكەن. بۇل جونىندە Sputnik باسىلىمى حابارلادى.

شورمانوۆتىڭ ايتۋىنشا، جالپى بولجام بويىنشا كورمەگە 5 ميلليوننان استام ادام كەلەدى، ونىڭ 85%-ى قازاقستاندىقتار، ال 15%-ى شەتەلدىك ازاماتتار. بۇگىندە قازاقستاندىق تۋركومپانيالارمەن 74 مىڭ "ەكسپو" بيلەتتەرىن ساتىپ الۋ جونىندە بەس كەلىسىمشارت جاسالعان.

شورمانوۆ قازاقستان مەن رەسەي اراسىنداعى وڭىرارالىق ىنتىماقتاستىق فورۋمىنىڭ پانەلدىك سەسسياسىندا: "قىتايداعى ءۇش جەتەكشى تۋروپەراتورلارمەن جۇرگىزىلىپ جاتقان قحر-عا 500 مىڭ بيلەت ساتىپ الۋ جونىندەگى كەلىسسوزدەر اياقتالۋعا جاقىن،" – دەدى.

Abai.kz