بۇگىن اقوردادا قازاقستان پرەزيدەنتى نۇرسۇلتان نازارباەۆ پەن رەسەي پرەزيدەنتى ۆلاديمير ءپۋتيننىڭ ەكىجاقتى كەزدەسۋى ءوتتى دەپ حابارلايدى ukimet.kz.

كەزدەسۋ بارىسىندا ەلباسى رف پرەزيدەنتىمەن اعىمداعى جىلى سەگىزىنشى رەت كەزدەسىپ وتىرعانىن ايتا كەلە، مەملەكەتتىك دۋماداعى سايلاۋدا «ەدينايا روسسيا» پارتياسىنىڭ جەڭىسىمەن ۆ. پۋتينگە قۇتتىقتاۋىن جەتكىزدى.

«مەنىڭ ويىمشا، بۇل ءسىز ءۇشىن، رەسەي ءۇشىن جانە تۇراقتى دامۋ ءۇشىن ۇلكەن جەڭىس. بۇل ءوز كەزەگىندە قازىرگى قيىن كەزەڭدە وتە ماڭىزدى. وسى رەتتە پرەزيدەنتتىڭ جانە ءسىز جۇرگىزىپ وتىرعان ساياساتتىڭ جوعارى بەدەلىن كورسەتىپ وتىر»،-دەدى ن. نازارباەۆ.

مەملەكەت باسشىسى بۇگىنگى قازاقستان مەن رەسەي ىنتىماقتاستىعىنىڭ XIII وڭىرارالىق فورۋمى وتە ماڭىزدى ەكەنىن، وعان قازاقستان مەن رەسەيدىڭ 900 بيزنەسمەنى جينالعانىن ايتتى. ەلباسىنىڭ سوزىنە قاراعاندا، فورۋمدا 27 ملرد. اقش دوللارى سوماسىنداعى بىرلەسكەن 40 كەلىسىمگە قول قويۋ بولجانىپ وتىر.

ءوز كەزەگىندە رف پرەزيدەنتى ۆ. پۋتين ەكى ەلدىڭ اراسىنداعى قاتىنىستار ستراتەگيالىق سەرىكتەستىك مانىنە يە ەكەنىن اتاپ ءوتتى. سونىمەن قاتار ول وبەكتيۆتى جاعدايعا بايلانىستى بەلگىلى ءبىر پروبلەمالار بار ەكەنىن دە جەتكىزدى.

«بۇل جاعدايلاردىڭ وبەكتيۆتى سيپاتى ساۋدا-ەكونوميكالىق اينالىمدا ءبىرشاما تۇزەتۋلەرگە الىپ كەلەدى. ءبىز وسىعان ارەكەت ەتىپ، بۇل قۇبىلىستاردىڭ ىقپالىن بارىنشا تومەندەتۋدىڭ جولدارىن ىزدەۋىمىز كەرەك»، — دەدى ول.

ۆ. ءپۋتيننىڭ ايتۋىنشا، استاناداعى فورۋمعا قاتىسىپ جاتقان 900 بيزنەسمەننىڭ اراسىندا 400-ءى رەسەيلىك كاسىپكەرلەر ەكەن.

سونىمەن قاتار رەسەي پرەزيدەنتى كەشە ورىنبوردا كاسىپكەرلەرمەن كەزدەسكەنىنە توقتالا كەلە، ولاردىڭ كوبىسى قازاقستانمەن تىكەلەي جۇمىس ىستەيتىنىن جانە وسى جەمىستى قارىم-قاتىناس ءوزىن قۋانتقانىن ايتتى. ول كولىك جانە لوگيستيكالىق ينفراقۇرىلىمدى دامىتۋ تاقىرىبىندا ءوتىپ جاتقان بۇگىنگى فورۋم ەكونوميكانى دامىتۋ ءۇشىن جاعداي جاساۋدا وتە ماڭىزدى ەكەنىن ءسوز ەتتى. ونىڭ پايىمىنشا، بۇگىنگى كەلىسسوزدەر بارىسىندا جوسپارعا الىنعان جوبالار الداعى ۋاقىتتا ءوز ناتيجەسىن بەرەتىن بولادى.

قازاقستاننىڭ ۇلتتىق ەكونوميكا ءمينيسترى قۋاندىق بيشىمباەۆ رەسەي ەكونوميكالىق دامۋ ءمينيسترى الەكسەي ۋليۋكاەۆپەن ەكى جاقتى ساۋدا-ەكونوميكالىق ىنتىماقتاستىقتىڭ وزەكتى ماسەلەلەرى مەن قازاقستان مەن رەسەيدىڭ 2016-2017 جىلدارداعى ءوزارا ساۋدانى كەڭەيتۋگە  باعىتتالعان شارالارىن تالقىلادى.

كەزدەسۋ استانادا ءوتىپ جاتقان قازاقستان مەن رەسەيدىڭ وڭىرارالىق ىنتىماقتاستىق فورۋمى اياسىندا بولىپ ءوتتى.

مينيسترلەر قازاقستان-رەسەي قارىم-قاتىناسىنىڭ تۇراقتىلىعىن جانە ينتەگراتسيالىق پروتسەستەردىڭ نىعايۋىن اتاپ ءوتتى، ساۋدا-ەكونوميكالىق جانە ينۆەستيتسيالىق ىنتىماقتاستىق ماسەلەلەرىن تالقىلادى، سونداي-اق،  الەۋمەتتىك-ەكونوميكالىق دامۋ جانە ەكى ەلدىڭ ۇكىمەتتەرىنىڭ داعدارىسقا قارسى شارالارى بويىنشا پىكىر الماستى.

بيشىمباەۆ، 2016-2017 جىلدارعا ارنالعان ءوزارا ساۋدانى كەڭەيتۋگە باعىتتالعان شارالار تىزبەسىنىڭ جوباسى  دايىندالعانىن حابارلادى.

بىرلەسكەن ء ىس-شارالار اياسىندا  ەكونوميكانىڭ ءتۇرلى سالالارىندا 4 ملرد. اقش دولل. استام سوماعا   27 جوبانىڭ ىسكە اسىرىلۋى جوسپارلانۋدا.

تاراپتار بيزنەس ميسسيالار، اقپاراتتىق جۇيەلەردىڭ ينتەگراتسيالاۋىن جانە ء وزارا ساۋدانىڭ دەرەكتەرىن سالىستىرۋدى جۇرگىزۋ جونىندە كەلىستى، بۇل ساۋدا اينالىمىنىڭ  ۇلعايۋىنا قوسىمشا يمپۋلس بەرەدى جانە  بيزنەس ءۇشىن  قولايلى  جاعدايلار جاسايدى.

ساۋدا اينالىمىن كەڭەيتۋ شارالارىنىڭ ىسكە اسىرىلۋى قازاقستان مەن رەسەي اراسىنداعى  ساۋدا اينالىمىن  ورتا مەرزىمدى پەرسپەكتيۆادا  5 تەن 11% دەيىن ۇلعايتۋعا مۇمكىندىك بەرەدى.

رەسەي تاراپى  قازاقستان وڭىرلەرىن گازداندىرۋ  جوباسى اياسىندا  جابىقتار مەن گاز جەتكىزۋگە قىزىعۋشىلىعىن تانىتتى.  مينيسترلەر سونداي-اق قازاقستاندىق كاسىپورىنداردىڭ رەسەيدىڭ يمپورت الماستىرۋ  باعدارلامالارىنا قاتىسۋ مۇمكىندىكتەرىن تالقىلادى.

كەزدەسۋدىڭ قورىتىندىسى بويىنشا مينيسترلەر تالقىلاۋ بارىسىندا قول جەتكىزىلگەن ۋاعدالاستىقتاردى بەكىتەتىن حاتتاماعا قول قويدى.

اباي-اقپارات