بەيسەنبى, 3 ءساۋىر 2025
جاڭالىقتار 3944 1 پىكىر 3 قازان, 2016 ساعات 10:19

وڭتۇستىك قازاقستاندا مۇعالىمدەر مەرەكەسى اتالىپ ءوتتى

بۇگىن وڭتۇستىك قازاقستان وبلىسىندا مۇعالىمدەردىڭ كاسىبي مەرەكەسىنە وراي سالتاناتتى جيىن بولىپ ءوتتى.  مەرەكەلىك شاراعا قاتىسقان ءوڭىر باسشىسى ب.اتامقۇلوۆ بارشا ۇلاعاتتى ۇستازداردى قۇتتىقتاپ، ماراپاتتادى.

«شاكىرتتەرگە ءبىلىم بەرىپ، جاقسى قاسيەتتەردى بويىنا دارىتاتىن جانە ءتالىم مەن تاربيە بەرەتىن  ول ەڭ الدىمەن – مۇعالىم. ۇرپاق تاربيەسى جولىندا قىزمەت ەتىپ كەلە جاتقان ۇستازداردىڭ اتا-انادان كەيىنگى اتقارار ءرولى دە ەرەكشە. سوندىقتان، ۇستازدار كۇنى – ورنى بولەك، دارەجەسى بيىك، ەڭ ۇلىق تا ۇلاعاتتى مەرەكە. ۇلت بولاشاعىن قالىپتاستىرۋدا ۋاقىتپەن ساناسپاي اتقارعان قاجىرلى ەڭبەكتەرىڭىز ءۇشىن سىزدەرگە، ۇستازدار، العىس بىلدىرەمىن»،- دەدى ءوز قۇتتىقتاۋىندا ايماق باسشىسى.

سالتاناتتى شارادا شاكىرت جولىندا تالماي ەڭبەك ەتكەن ءوڭىردىڭ ءۇش ۇستازى «وبلىسقا سىڭىرگەن ەڭبەگى ءۇشىن» توسبەلگىسىمەن جانە  ءبىلىم سالاسىنىڭ دامۋىنا ءوز ۇلەستەرىن قوسقان 18 مۇعالىم وبلىس اكىمىنىڭ گراموتاسىمەن جانە العىس حاتىمەن ماراپاتتالدى.

سونىمەن قاتار، وسى كۇنى ۇلاعاتتى ءتورت ۇستاز «ىبىراي التىنسارين» جانە قر ءبىلىم جانە عىلىم مينيسترلىگىنىڭ ء«بىلىم سالاسىنىڭ قۇرمەتتى قىزمەتكەرى» توسبەلگىلەرىمەن ناگرادتالسا، 10 مۇعالىمگە مينيسترلىكتىڭ «قۇرمەت گراموتاسى» جانە العىس حاتتارى تابىستالدى.

ايتا كەتەيىك،  جالپى وبلىستا 66 مىڭنان استام مۇعالىم بار بولسا، ونىڭ 15343 ءبىلىم بەرۋ ءىسىنىڭ ۇزدىگى، ال 13 مىڭعا جۋىعى جوعارى ساناتتاعى ۇستازدار.

وقو اكىمىنىڭ ءباسپاسوز قىزمەتى 

1 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 930
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3271
46 - ءسوز

بىزگە بەيمالىم باراق حان

جامبىل ارتىقباەۆ 2264