الماتى قالاسى Z/Yen Group كونسالتينگتىك فيرماسىنىڭ تۇجىرىمى بويىنشا ماسكەۋ، سانك-پەتەربۋرگ، پراگا، حەلسينگ جانە باسقا دا ەۋروپالىق استانالاردى ارتتا قالدىرىپ، الەمدىك قارجىلىق ورتالىقتار اراسىنداعى باسەكەگە قابىلەتتى قالالاردىڭ ىشىندە العا وزىپ، 70-ورىنعا كوتەرىلدى، - دەپ حابارلايدى Sputnik.

قازاقستاننىڭ وڭتۇستىك استاناسى اتالمىش رەيتينگتە 7 پوزيتسيا بويىنشا العا جىلجىعان.

 ماسكەۋ قالاسى 17 پوزيتسيا بويىنشا ارتا قالىپ، 84-ورىنعا، ال سانك-پەتەربۋرگ 85-ورىنعا پراگا – 72, حەلسينكي – 81 ورىنعا تۇراقتاعان.

لوندون، نيۋ-يورك، سينگاپۋر، گونكونگ جانە توكيو قالالارى رەيتينگتىڭ كوشباسشىسى ەكەنىن وسى جولى دا دالەلدەگەن.

الماتى قالاسىن قارجىلىق ورتالىق رەتىندە دامىتۋ يدەياسىن 1995 جىلى قازاقستان بانكتەرى اسسوتسياتسياسىنىڭ مۇشەلەرى مەن باسشىلارىمەن كەزدەسكەندە قر پرەزيدەنتى نۇرسۇلتان نازاراەۆ ۇسىنعان بولاتىن. بۇل يدەيانى، ياعني قالانى قارجىلىق ورتالىققا اينالدىرۋ ءىسىن تاجىريبە جۇزىندە جۇزەگە اسىرۋ 2000-جىلدارى باستالدى..

الماتى ايماقتىق قارجىلىق ورتالىعى دەگەن ستاتۋستى ون جىل بۇرىن الدى. 2006 جىلدىڭ اقپان ايىندا قازاقستان پرەزيدەنتىنىڭ جارلىعىمەن الماتى قالاسىندا ايماقتىق قارجىلىق ورتالىقتىڭ ءىسىن جۇرگىزەتىن اگەنتتىك قۇرىلدى.

Abai.kz