استانا قالاسىندا قازاقستان رەسپۋبليكاسى مادەنيەت جانە سپورت مينيسترلىگىنىڭ ۇيىمداستىرۋىمەن وتكەن ءداستۇرلى رەسپۋبليكالىق «اباي وقۋلارى»  بايقاۋىندا ءى ورىندى وڭتۇستىك قازاقستان وبلىسىنىڭ  2 كۋرس ستۋدەنتى سايدازيموۆا ۋنسۋناي مۋراتقىزى يەمدەندى. بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

اتالعان بايقاۋ مەملەكەتتىك ءتىلدىڭ قولدانۋ اياسىن كەڭەيتۋ جانە اباي شىعارماشىلىعىن ناسيحاتتاۋ ارقىلى قازاق مادەنيەتىنە، ءتىلى مەن ادەبيەتىنە دەگەن ەتنوس وكىلدەرىنىڭ ىقىلاسىن ارتتىرىپ، قازاقستاندىق رۋحاني بىرلىكتى قۋاتتاۋ ماقساتىندا   ءداستۇرلى تۇردە ۇيىمداستىرىلىپ كەلەدى.

تاۋەلسىزدىكتىڭ 25 جىلدىعى مەن قازاقستان حالقى تىلدەرى كۇنىنە ارنالعان شاراعا وبلىستىق بايقاۋلاردا توپ جارعان جاستار قاتىستى. ۇلى ابايدىڭ شىعارمالارىن جاتقا ايتىپ قانا قويماي، مانەرلەپ وقىپ بەردى.

وڭتۇستىك قازاقستان وبلىسىنىڭ تىلدەردى دامىتۋ، ارحيۆتەر مەن قۇجاتتاما باسقارماسىنىڭ باسشىسى ن.شارافيەۆ وڭتۇستىك قازاقستان مەملەكەتتىك پەداگوگيكالىق ينستيتۋتىنىڭ 2 كۋرس ستۋدەنتى ۋ.سايدازيموۆانىڭ جەڭىسىمەن قۇتتىقتاپ، جوعارعى وقۋ ورنىنىڭ رەكتورى و. اياشەۆقا قۇتتىقتاۋ حات جولدادى.

دەرەككوزى: وقو اكىمىنىڭ ءباسپاسوز قىزمەتى

Abai.kz