بيسميلياھھير راحماني راحيم!

قۇرمەتتى اعايىندار!

جاراتقان يەمىز، ءبىر اللا بۇيىرتسا، كەلەسى 2017 جىلى قازاق حالقىنىڭ سوڭعى حانى - كەنەسارىنىڭ شاھيد بولعانىنا 170 جىل تولادى.

وسىعان بايلانىستى شولاققورعان اۋىلىندا (وڭتۇستىك قازاقستان وبىلىسى، سوزاق اۋدانى), تامىز ايىنىڭ ءبىرىنشى جارتىسىندا (ناقتى كۇندەرى قوسىمشا حابارلانادى) حان كەنەگە, اكەسى ابىلايحانۇلى قاسىم سۇلتانعا جانە ولاردىڭ ۇرپاقتارى سۇلتاندار: سارجان، ەسەنگەلدى، ناۋرىزباي، سادىققا تاعى باسقا اتاۋسىز، ۇمىت بولعان سۇلتانداردىڭ، سول سۇلتاندارمەن بىرگە وپات بولعان باسقا دا قازاعىمنىڭ ەرلەرىنىڭ رۋحتارىنا ارناپ قۇران باعىشتاپ، اس بەرسەك دەگەن حابار تاراتىپ، ساۋىن ايتامىز!

وسى قاسيەتتى ءىس – شاراعا قاتىسامىز، قول ۇشىن بەرىپ، وتكىزىلەتىن ءماجىلىس-كونفەرەنتسياداعى  ءسوز-ماقالالار جيناعىن كىتاپ ەتىپ شىعارۋعا كومەك كورسەتەمىز دەيتىن ازاماتتار بولسا، پروفەسسور، امان شوتاەۆپەن حابارلاسا دەگەن تىلەگىمىز بار. 

قوسىمشا: كەنە حان تۋرالى ماقالالارىنىڭ جيناققا ەنگىزىلۋىنە ق.ءجۇمادىلوۆ، م.ماعاۋين ت.ب. ازاماتتار نيەتتەرىن ءبىلدىردى. قوسىلامىز دەگەن اقىن-جازۋشى، ستۋدەنت جاستار، تاريحشى-ولكەتانۋشىلارعا جول اشىق! ماقالاردىڭ بۇرىن جاريالانعان، جاريالانباعاندارىنا دا ەشقانداي شەكتەۋ قويىلمايدى. اقىلداستار القاسى قاراپ شىعادى جانە عىلىمي ماقالا، كوركەم ءسوز ت.ب. جانرلار ۇلگىسىن ۇسىنۋشىلارعا العىسىمىز شەكسىز.

ءامين!

بايلانىس: الماتى قالاسى،

تەل. 8-727-376-06-38, ءۇيى

8-701-798-27-43, ۇيالى تەل.

22. 09. 2016 ج. 

Abai.kz