«قازاقستان تەمىر جولى» ۇق» باسقارما توراعاسى

                                                                   قانات قاليۇلى الپىسباەۆ مىرزاعا     

ماڭعىستاۋ وبلىسى، ماڭعىستاۋ كەنتىندەگى «ماڭعىستاۋ» تەمىر جول ستانتسياسىنىڭ پوەزد توقتايتىن الاڭىندا تۇرمىن. الدىما كەلىپ «استانا – ماڭعىستاۋ» جولاۋشى پوەزى توقتادى. جولاۋشى ۆاگونىنىڭ قاق ورتاسىندا «م ا ڭ ع ى س ت ا ۋ» دەگەن ۇلكەن ارىپتەرمەن جازىلعان ادەمى جازۋ ۆاگونعا ءسان بەرۋمەن قاتار وسى پوزد اتاۋىن ايقىنداپ-اق تۇر. ءىشىم جىلىپ سالا بەردى.

الايدا ۆاگوندار قارسى الدىما كەلىپ توقتاعاندا، كوتەرىڭكى كوڭىلىم سۋ سەپكەندەي باسىلدى. سەبەبى، سول ۆاگونداردىڭ سىرتىندا «ماڭعىستاۋ» دەگەن اتاۋدان بولەك «مانگىشلاك - استانا» جانە تاعى ءبىر جەرىندە «مانكيشلاك» دەپ وزگە ەلدىڭ تىلىندە جازىلعان ءار ءتۇرلى جازبالار بولدى.

وبلىسىمىزدىڭ اتاۋى ماڭعىستاۋ، سول پوەزدار كەلىپ توقتايتىن ەلدى مەكەننىڭ اتاۋى - ماڭعىستاۋ، پوەزدىڭ اتاۋى - ماڭعىستاۋ.  سوندا مىنا وزگە ەلدىڭ تىلىندەگى «كيشلاك» ءسوزى بۇل پوەزدا «نە ءبىتىرىپ تۇر؟» دەگەن سۇراق ءوز-وزىنەن تۋىنداپ تۇرعان جوق پا؟

ءتيىستى شاراسىن الۋىڭىزدى وتىنەمىن!

قوجىربايۇلى مۇحامبەتكارىم، ماڭعىستاۋ

Abai.kz