سارىاعاش اۋدانىنىڭ ديقاندارى العاشقى ونىمدەرىن قىر اسىرا باستادى. ماسەلەن، اۋدانداعى بوزاي اۋىلدىق وكرۋگىنىڭ شارۋالارى ەلىمىزدىڭ سولتۇستىك وڭىرلەرىن ەسەپتەمەگەندە، تاياۋدا كورشىلەس رەسەي مەملەكەتىنە 137,1 توننا قاربىز جونەلتتى. ەككەن ءونىمدى ساۋدالاپ، قارجى كوزىنە اينالدىرۋ ماسەلەسى اۋداندا جاقسى جولعا قويىلعان. ول ءۇشىن سارىاعاشتا لوگيستيكالىق ورتالىقتار مەن تەمىر جول جەلىسى كۇندىز-ءتۇنى جۇمىس ىستەپ تۇر. بۇگىنگى كۇننىڭ وزىندە وندا قاربىزدان باسقا ەرتە پىسەتىن جەمىستەر – ورىك، شيە، قۇلپىناي، قاراورىك پەن كوكونىس ونىمدەرى ساتىلىمعا شىققان. مۇنان بولەك، الداعى ون كۇن كولەمىندە ەرتە پىسەتىن كارتوپ، قاۋىن بازار سورەلەرىنە شىعادى دەپ جوسپارلانۋدا. ايتا كەتەيىك، بيىل سارىاعاش اۋدانىندا 77460 گەكتار جەرگە اۋىل شارۋاشىلىعى ونىمدەرى ەگىلگەن.

ەستەرىڭىزگە سالا كەتەيىك، وسىنىڭ الدىندا وتىرارلىق شارۋالار ءوز ونىمدەرىن رەسەي نارىعىنا شىعارعاندىعىن جازعان بولاتىنبىز.

بۇگiندە سىر بويىنىڭ سارى تورلاما قاۋىندارىن رەسەيدiڭ ماسكەۋ، سانكت-پەتەربۋرگ قالالارىنان كەلگەن كاسiپكەرلەر وزدەرi تاسىمالداپ اكەتۋدە. ماسكەۋدەگi دومودەدوۆو حالىقارالىق اۋەجايى مەن «فۋدسيتي» ساۋدا ورتالىقتارىندا ساتىلىپ جاتقان قاۋىندار ماسكەۋلiكتەر مەن شەتەلدiك قوناقتاردىڭ ءسۇيسiنiپ جەيتiن تاڭسىق استارىنا اينالعان. سول سەكiلدi نەۆا جاعالاۋىنداعى «لەنينگرادتىق ورەڭدەر دە» سىر بويىنىڭ قاۋىنىنىڭ ءدامiن تاتۋدا.

 ال، بالتاكولدەگi ديقاندار عىلىمعا نەگiزدەلگەن، سوڭعى وزىق تەحنولوگيالاردى پايدالانىپ 104 گەكتار القاپقا تامشىلاتىپ سۋارۋ ادiسiمەن پياز ەگiپتi.

ديقاندار ءار گەكتارىنان 60 توننادان ءونiم الۋدا. بۇل ونiمدەر كەلiسiمشارت بويىنشا «وتىرار قويما» جشس-نiڭ قويماسىندا ساقتالادى. سونىمەن قاتار، 50 گەكتار القاپقا تامشىلاتىپ سۋارۋ ادiسiمەن كۇزدiك پياز ەگiلiپ بiتتi. اۋدان باسشىسى ەرلان قۋانىشۇلى ديقانداردىڭ ءونiمدi ەڭبەگiنە ريزاشىلىعىن بiلدiرiپ، جۇمىستارىنا تابىس تiلەدi.

Abai.kz