مۇلىكتى تۇگەندەۋ قورىتىندىسى بويىنشا اۋىلشارۋاشىلىعى ماڭىزىنداعى 486,3 مىڭ گا جەر مەملەكەتتىك قورعا قايتارىلدى، دەپ وڭتۇستك قازاقستان وبلىسى اكىمدىگىنەن حابارلادى.

وبلىستىق جەر قاتىناستارى باسقارماسىنىڭ باستىعى سوزاقباي ابدىقۇلوۆتىڭ ايتۋىنشا، اۋىلشارۋاشىلىعى ماڭىزىنداعى جەرلەردى ءتيىمدى پايدالانۋدى ارتىرۋ ماقساتىندا جەر ۋچاسكىلەرىن تۇگەندەۋ 3 باعىتتا جۇرگىزىلەدى. ولار اۋىلشارۋاشىلىعى، جەكە تۇرعىن ءۇي سالۋ جانە كاسىپكەرلىك ماقساتتاعى جەرلەر.

ء«بىرىنشى باعىت بويىنشا  605,0 مىڭ گا يگەرىلمەگەن جاق انىقتالىپ، ونىڭ 486,3 مىڭ گا اۋداندىق ارنايى جەر قورىنا قايتارىلدى.  انىقتالعان جانە قورعا  قايتارىلعان جەر ۋچاسكىلەرى بويىنشا 122 بايقاۋ وتكىزىلىپ، 2529 جەكە جانە زاڭدى تۇلعالار ونىڭ جەڭىمپازى اتاندى. 316,7 مىڭ گا جەر اۋىلشارۋاشىلىعى ءونىمىن وندىرۋشىلەرگە بەرىلسە، 144,0 مىڭ گا - زاڭدى تۇلعالارعا ۇيلەستىرىلدى»، - دەدى س.ابدىقۇلوۆ.

سونىمەن قاتار، 9 ايدا جەردى جالعا بەرۋ جانە ساتۋ ناتيجەسىندە بيۋدجەتكە 1 ملرد 402 ملن 260 مىڭ تەڭگە ءتۇستى. ال، مۇلىكتى تۇگەندەۋ اياسىندا انىقتالعان 27,3 مىڭ گا پايدالانىلمايتىن جەر قوجايىنى جوق رەتىندە تىركەلدى. «جتۇق سالاسىنا ماقساتقا ساي پايدالانىلماي كەلە جاتقان 16 مىڭ 735 جەر ۋچاسكىسى انىقتالدى. ولاردىڭ 7 605 مەملەكەتكە قايتارىلدى، 8228 جەرقوجايىندارى ءۇي سالا باستادى»، - دەپ اكىمدىكتەن تولىقتىردى.

ال، كاسىپكەرلىك بويىنشا 561 جەر ۋچاسكىسى پايدالانىلماي كەلە جاتقانى بەلگىلى بولدى. ولاردىڭ  43 مەملەكەتكە قايتارىلدى.

Abai.kz