وڭتۇستىك قازاقستان وبلىسىندا جالپى قۋاتتىلىعى 38,5 مىڭ بولاتىن 43 ەت ونەركاسىبى، 130 مىڭ توننادان استام ءونىمدى قايتا وڭدەيتىن 38 ءسۇت فەرماسى، جىلىنا 107,6 مىڭ توننا جەمىس-كوكونىس ونىمدەرىن وڭدەيتىن 35 قايتا وڭدەۋ كاسىپورىندارى جۇمىس جاساپ تۇر.  

وتكەن جىلى قايتا وڭدەۋ كاسىپورىندارىنىڭ قۋاتتىلىقتارىن ارتتىرۋ بويىنشا جۇمىستار جۇرگىزىلىپ، قوسىمشا ەت 8,1 مىڭ تن، ءسۇت 9 مىڭ تن جانە جەمىس-كوكونىس ونىمدەرىن قايتا وڭدەۋ قۋاتتىلىقتارى 18,6 مىڭ تن ارتىپ، مەجە ارتىعىمەن ورىندالعان بولاتىن.

ال بيىلعى جىلى جەلتوقسان ايىنداعى مالىمەتتەرگە سۇيەنسەك، وڭتۇستىك قازاقستان وبلىسىندا  اۋىل شارۋاشىلىعى ونىمدەرىن قايتا وڭدەۋ كولەمى وتكەن جىلمەن سالىستىرعاندا 28,6 ملرد.تەڭگەگە ۇلعايىپ، 158,6 ملرد. تەڭگەنى قۇراپتى. بۇل تۋرالى اباي-اقپارات وڭتۇستىك قازاقستان وبلىسى اكىمدىگىنىڭ ءباسپاسوز قىزمەتىنە سىلتەمە جاساي وتىرىپ حابارلايدى

جوعارىدا اتالعان جۇمىستاردىڭ ناتيجەسىندە اۋىل شارۋاشىلىعىنىڭ جالپى ءونىم كولەمى 344,6 ملرد. تەڭگەنى قۇراپ، وتكەن جىلدان 21,8 ملرد.تەڭگەگە ۇلعايىپ، 3,5% ارتىپتى. ونىڭ ىشىندە، مال شارۋاشىلىعى 158,7 ملرد. تەڭگەنى قۇراپ، 4%، ەگىن شارۋاشىلىعى 184,8 ملرد. تەڭگەنى قۇراپ، 3,1 پايىزعا ارتقان. ءوڭىردىڭ اۋىلشارۋاشىلىعى ونىمدەرىنىڭ ەسەلەپ وسۋىنە جوعارىدا اتالعان 43 ەت ونەركاسىبى مەن 130 مىڭ توننادان استام ءونىمدى قايتا وڭدەيتىن 38 ءسۇت فەرماسىنىڭ ۇلەسى زور دەيدى ماماندار.

اباي-اقپارات