وقو-دا اۋىلشارۋاشىلىعىن دامىتۋ ماقساتىندا مايلى داقىل ءوسىرۋ ىسىنە ەرەكشە كوڭىل بولىنبەك. بيىل وبلىس بويىنشا مايلى داقىل ەگۋشى شارۋالارعا ءبىر توننا ونىمگە 8 مىڭ تەڭگە سۋبسيديا بولىنەتىنى بەلگىلى بولدى، - دەپ حابارلايدى اباي-اقپارات وقو اكىمدىگىنىڭ ءباسپاسوز قىزمەتىنە سىلتەمە جاساپ.

سوڭعى جىلدارى ەل بويىنشا ءداندى داقىل القابى ازايىپ، كەرىسىنشە، مايلى داقىلداردىڭ كولەمى ۇلعايدى. اۋىل شارۋاشىلىعى مينيسترلىگى ماماندارىنىڭ تىكەلەي ارالاسۋىمەن ەگىس القاپتارىن ءارتاراپتاندىرۋ ءجۇردى. مۇنىڭ سەبەبى بەلگىلى. استىق ءتاۋىر شىققان جىلدارى بيدايدىڭ ءباسى ءتۇسىپ كەتەدى. ونى وتكىزەتىن دە، ساقتايتىن دا جەر جوق. سۇرانىسى تومەن استىق داقىلدارىن مايلى داقىلدارعا اۋىستىرۋ شارۋاعا ءتيىمدى كورىندى.

كەيىنگى ءبىر-ەكى جىلدا مايلى داقىلداردىڭ القابى ءداستۇرلى بيداي ءوسىرۋشى تىڭ ولكەلەرىندە، ونىڭ ىشىندە، ءبىزدىڭ ايماقتا دا كەڭەيدى. ەگىنشىلىكتى ءارتاراپتاندىرۋ باعدارلاماسىنا سايكەس بارلىق وڭىردە كوپ بولماسا دا، ءداندى داقىلدار ەگۋ كولەمى ازايدى. رەسپۋبليكادا، ونىڭ ىشىندە ءبىزدىڭ وبلىستىڭ وزىندە ءداندى داقىل ەگىسى وتكەن جىلعىدان كەم سالىندى. ەسەسىنە تاۋار وندىرۋشىلەر قىمبات باعامەن وتەتىن سۇرانىسقا يە داقىلداردى وسىرۋگە بەت بۇردى. مايلى داقىلداردىڭ ەگىسى الدىڭعى جىلى ەل بويىنشا 1 ملن. گەكتاردان اسسا، بىلتىر 1 ملن. 700 مىڭ گەكتارعا جەتكىزىلدى. سول ارقىلى، مامانداردىڭ ايتۋىنشا، ەلىمىز وسىمدىك مايىن وندىرۋگە قاجەتتى شيكىزاتپەن ءوزىمىزدى تولىق قامتاماسىز ەتتى. تەك ىشكى قاجەتتىلىكتى قاناعاتتاندىرىپ قانا قويماي، وڭدەلگەن ءونىمدى ەكسپورتقا شىعارۋعا جول اشىلدى.

قازاقستان بويىنشا مايلى داقىلداردان ەڭ كوپ ەگىلەتىنى — كۇنباعىس. مايلى داقىلداردىڭ كۇنباعىستان وزگە دە تۇرلەرى مولىنان ەگىلە باستادى

وقو-دا مايلى داقىلداردىڭ (ماقسارى، كۇنباعىس) 1 توننا ونىمىنە 8 مىڭ تەڭگە سۋبسيديا بولىنۋىنەن الدا وبلىستا بۇل سالانىڭ داميتىنىن بايقاۋعا بولادى

اباي-اقپارات